ଭୁବନେଶ୍ବର:"ଓଡ଼ିଶାର ବିକାଶ ପାଇଁ ମହାପ୍ରଭୁ ଜଗନାଥଙ୍କୁ ଆର୍ଶୀବାଦ ମାଗିଛୁ । ଯେଉଁଠାରେ ବିକାଶ ହୋଇନାହିଁ ସେଠାରେ ବିକାଶ ହେବ । ଗରିବ ଓ ବଞ୍ଚିତମାନଙ୍କୁ ମୁଖ୍ୟଧାରାକୁ ଆଣିବା ପାଇଁ ଓଡ଼ିଶାବାସୀଙ୍କ ଠାରୁ ଆର୍ଶୀବାଦ ନେବୁ।" ଓଡ଼ିଶା ଗସ୍ତ ସମୟରେ ଏହା କହିଛନ୍ତି କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ । ବର୍ତ୍ତମାନ ତିନି ଦିନିଆ ଓଡ଼ିଶା ଗସ୍ତରେ ରହିଛନ୍ତି କେନ୍ଦ୍ର ରେଳ ମନ୍ତ୍ରୀ । ଏହି ସମୟରେ ସେ ନିଜେ ଟ୍ରେନରେ ଯାତ୍ରା କରି ଯାତ୍ରୀଙ୍କ ସୁବିଧାଅସୁବିଧା କଥା ପଚାରି ବୁଝିଛନ୍ତି ।
'ଗରିବ ଓ ବଞ୍ଚିତମାନଙ୍କୁ ମୁଖ୍ୟଧାରାକୁ ଆଣିବା ପାଇଁ ଆର୍ଶୀବାଦ ନେବୁ'
ଓଡ଼ିଶାରେ ପ୍ରତ୍ୟେକ ରେଳ ଷ୍ଟେସନର ଭିତ୍ତିଭୂମି ସଜାଡ଼ିବାକୁ ବର୍ତ୍ତମାନ ମୂଳ ଲକ୍ଷ୍ୟ ରହିଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ । ଓଡ଼ିଶା ବିକାଶ କ୍ଷେତ୍ରରେ ଆଗାମୀ ଦିନରେ ରେଳବାଇ କାର୍ଯ୍ୟକୁ ତ୍ୱରାନ୍ୱିତ କରାଯିବ ବୋଲି କହିଛନ୍ତି କେନ୍ଦ୍ର ମନ୍ତ୍ରୀ । ରେଳ ଷ୍ଟେସନ ସହରର ହୃଦୟ ବୋଲି ସେ କହିଛନ୍ତି । ସହର ହୃଦୟ କିଭଳି ସ୍ବାସ୍ଥ୍ୟକର ସୁନ୍ଦର, ସୁରକ୍ଷିତ ଏହାକୁ ବର୍ତ୍ତମାନ ଭିଜନ ରଖାଯାଇଛି ।