ଭୁବନେଶ୍ବର: ଲଗାତାର ଭାବେ ପଞ୍ଚମ ଥର ପାଇଁ ନୂଆ ଓଡିଶାର ନାୟକ ହେଲେ ନବୀନ ପଟ୍ଟନାୟକ । ବୁଧବାର ରାଜଧାନୀର ଏକ ସ୍ବତନ୍ତ୍ର ସମାରୋହରେ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ଭାବେ ଶପଥ ନେଇ ଥିବାବେଳେ ତାଙ୍କ ମନ୍ତ୍ରୀମଣ୍ଡଳ ବି ଶପଥ ଗ୍ରହଣ କରିଛନ୍ତି।
ଆରମ୍ଭ ହେଲା ନବୀନଙ୍କ ପଞ୍ଚମ ପାଳି । ଲଗାତାର ପଞ୍ଚମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ନବୀନ ପଟ୍ଟନାୟକ । ଏହାସହ ତାଙ୍କ ମନ୍ତ୍ରିମଣ୍ଡଳର କ୍ୟାବିନେଟ ଓ ରାଷ୍ଟ୍ରମନ୍ତ୍ରୀ ଭାବେ ଶପଥ ନେଇଛନ୍ତି 20 ଜଣ ।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
କ୍ୟାବିନେଟ ପାହ୍ୟାର ସଦସ୍ୟ ପ୍ରଫୁଲ୍ଲ ମଲ୍ଲିକ ପ୍ରଥମେ ଶପଥ ପାଠ କରିଥିଲେ । ଏହାପରେ ବିକ୍ରମ କେଶରୀ ଆରୁଖ, ରଣେନ୍ଦ୍ର ପ୍ରତାପ ସ୍ବାଇଁ, ନିରଞ୍ଜନ ପୂଜାରୀ, ପଦ୍ମନାଭ ବେହେରା, ପ୍ରତାପ ଜେନା, ଅରୁଣ ସାହୁ, ସୁଦାମ ମାରାଣ୍ଡି, ସୁଶାନ୍ତ ସିଂ, ନବ କିଶୋର ଦାସ ଏବଂ ଟୁକୁନି ସାହୁଙ୍କୁ ପଦ ଓ ଗୋପନୀୟତରା ଶପଥ ପାଠ କରାଇଥିଲେ ରାଜ୍ୟପାଳ । ତେବେ ସୁଦାମ ମାରାଣ୍ଡି ସାନ୍ତାଳି ଭାଷାରେ ଶପଥ ନେଇଥିବା ଦେଖିବାକୁ ମିଳିଥିଲା ।