ଭୁବନେଶ୍ବର: ରାଜ୍ୟର ସମସ୍ତ ମ୍ୟୁନିସ୍ପାଲିଟି, କର୍ପୋରେସନ ଓ ଏନଏସିର ପ୍ରତ୍ୟେକ ଘରକୁ ଯୋଗାଯିବ ପିଇବା ପାଣି । 2020 ମାର୍ଚ୍ଚ ମାସ ସୁଦ୍ଧା ଏହି କାମ ସମ୍ପୂର୍ଣ୍ଣ ହେବ । ଏହାସହ ପୁରୁଣା ବଲବ୍କୁ କାଢି ନୂଆ ବଲବ୍ ଦିଆଯିବ ବୋଲି ମନ୍ତ୍ରୀ ପ୍ରତାପ ଜେନା କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର ସେହିପରି ପୁରୁଣା ବିଦ୍ୟୁତ୍ ଖୁଣ୍ଟ ବଦଳରେ ନୂଆ ଖୁଣ୍ଟ ଲଗାଯିବ ବୋଲି ମନ୍ତ୍ରୀ କହିଛନ୍ତି । ଏହି କାର୍ଯ୍ୟ ପାଇଁ 2020 ମାର୍ଚ୍ଚ ଶେଷ ଟାର୍ଗେଟ ରହିଥିଲାବେଳେ, ଡିସେମ୍ବର ମାସ ସୁଦ୍ଧା ଶେଷ ହେବ ବୋଲି ସେ ଦର୍ଶାଇଛନ୍ତି । ଏଥିପାଇଁ ହେବାକୁ ଥିବା ଖର୍ଚ୍ଚ ବିଭାଗ ବହନ କରିବ ବୋଲି ମନ୍ତ୍ରୀ ସୂଚନା ଦେଇଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
