ଭୁବନେଶ୍ବର:ଜାରି ରହିଥିବା ଲଘୁଚାପଜନିତ ଲଗାଣ ବର୍ଷାରେ ରାଜଧାନୀ ଭୁବନେଶ୍ବର ବେହାଲ । ବିଭିନ୍ନ ଅଞ୍ଚଳ ବର୍ତ୍ତମାନ ଜଳବନ୍ଦୀ ଅବସ୍ଥାରେ ରହିଛି । ଜଳବନ୍ଦୀ ସମସ୍ୟା ନେଇ ସହରର ବିଭିନ୍ନ ଅଞ୍ଚଳ ବୁଲିଛନ୍ତି ହାଉସିଂ ଆଣ୍ଡ ଅରବାନ ଡେଭଲପମେଣ୍ଟ ବିଭାଗର ନିର୍ବାହୀ ଯନ୍ତ୍ରୀ । ଅନେକ ସ୍ଥାନରେ ସମସ୍ୟା ନେଇ ଲୋକଙ୍କ ସହ ସିଧାସଳଖ ଆଲୋଚନା କରିଛନ୍ତି। ବର୍ତ୍ତମାନ ପରିସ୍ଥିତିରେ ଜଳ ନିଷ୍କାସନ ବ୍ୟବସ୍ଥା ଉପରେ ଗୁରୁତ୍ବ ଦିଆଯାଉଥିବା ଯନ୍ତ୍ରୀ କହିଛନ୍ତି ।
ରାଜଧାନୀ ଜଳବନ୍ଦୀ: ସ୍ଥିତି ପରଖିଲେ ସ୍ବରେଜ ଓ ଡ୍ରେନେଜ ବିଭାଗ ନିର୍ବାହୀ ଯନ୍ତ୍ରୀ
ସ୍ଥିତି ଅନୁଧ୍ୟାନ କରିବା ପରେ ଯନ୍ତ୍ରୀ କହିଛନ୍ତି, ସମସ୍ୟାର ସମାଧାନ ପାଇଁ ସ୍ବରେଜ କାମ ତ୍ବରାନିତ ବେଗରେ ଚାଲିଛି। ସ୍ବରେଜ ଟ୍ରିଟମେଣ୍ଟ ପ୍ଲାଣ୍ଟ କାର୍ଯକ୍ଷମ ହୋଇସାରିଛି। ସ୍ବରେଜର ଜଳକୁ ସ୍ବଚ୍ଛ ଜଳରେ ପରିଣତ କରି ଗଙ୍ଗୁଆ ନାଳରେ ଛଡାଯାଉଛି । ତେଣୁ ସହରର ବିଭିନ୍ନ ସ୍ଥାନରେ ସ୍ବେରେଜ ଲାଇନ ପାଇଁ କାମ ଯୁଦ୍ଧକାଳୀନ ଭିତିରେ କାମ ଜାରି ରହିଥିବାବେଳେ ଫେବୃଆରୀ ମାସ ଶେଷ ସୁଦ୍ଧା କାମ ସାରିବା ଲକ୍ଷ ରଖାଯାଇଛି ।