ଭୁବନେଶ୍ବର: ଲଘୁଚାପ ବର୍ଷାରେ ବେହାଲ ରାଜଧାନୀ । ବିଭିନ୍ନ ସ୍ଥାନରେ ଜମି ରହିଛି ପାଣି । ରାସ୍ତାରୁ ପାଣି ଯିବା ପାଇଁ ଡ୍ରେନେଜ ସିଷ୍ଟମ କରାଯାଇ ନାହିଁ । ସ୍ଥାନେ ସ୍ଥାନେ ପାଣି ଜମି ରହୁଛି । ଯାହା ଫଳରେ ସାଧାରଣ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଗାଡି ଚଳାଚଳ ଏବଂ ଜୀବନଯାପନରେ ବାଧା ଉପୁଜୁଛି ।
ଅଦିନିଆ ବର୍ଷାରେ ବେହାଲ ସ୍ମାର୍ଟସିଟି, ରାସ୍ତାରେ ଲହଡି ମାଡୁଛି ପାଣି
ବୁଧବାର ଠାରୁ ରାଜ୍ୟରେ ଲଘୁଚାପ ବର୍ଷା ଲାଗି ରହିଥିବା ବେଳେ ଆହୁରି 24 ଘଣ୍ଟା ବର୍ଷିବ ବୋଲି ପାଣିପାଗ ବିଭାଗ ସୂଚନା ଦେଇଛି । ଗୋଟିଏ ଦିନରେ ରାଜଧାନୀର ଅବସ୍ଥା ଶୋଚନୀୟ ହୋଇପଡିଛି। ସ୍ମାର୍ଟସିଟି ଭୁବନେଶ୍ବର ଏବେ ଜଳବନ୍ଦୀରେ ରହିଛି । ମୁଖ୍ୟତଃ ନୟାପଲ୍ଲୀ ବେହେରା ସାହିର ଅବସ୍ଥା ଶୋଚନୀୟ । ପୂର୍ବରୁ ଟିକିଏ ବର୍ଷା ହେଲେ ସଙ୍ଗେ ସଙ୍ଗେ ସାହିରେ ଆଣ୍ଠୁଏ ପାଣି ହେଇଯାଉଥିଲା । ଏବେ ଲଘୁଚାପ ବର୍ଷାର ପ୍ରଭାବରେ ପୁଣି କଷ୍ଟ ଭୋଗୁଛନ୍ତି ବେହେରା ସାହିବାସୀ ।