ଭୁବନେଶ୍ବର: କିଛି ଘଣ୍ଟାର ତାଣ୍ଡବରେ ଭୁବନେଶ୍ବରର ମାନଚିତ୍ର ବଦଳାଇ ଦେଇଛି ସାମୁଦ୍ରିକ ଝଡ ‘ଫନି’ । ‘ଫନି’ ଚାଲିଗଲା ପରେ ସ୍ମାର୍ଟ ସିଟିର ଅବସ୍ଥା ନ କହିଲେ ଭଲ । ବିଦ୍ୟୁତ ନାହିଁ, ପାଣି ନାହିଁ । ଫଳରେ ଅସ୍ତବ୍ୟସ୍ତ ହୋଇପଡିଛନ୍ତି ରାଜଧାନୀ ବାସିନ୍ଦା । ପାଣି ପାଇଁ ଚାରିଆଡେ ହାହାକାର ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ପିଇବା ପାଇଁ ପାଣି ମୁନ୍ଦାଏ ମିଳୁ ନଥିବା ବେଳେ ଗାଧେଇବା କଥା ପଚାରେ ବା କିଏ । ବାତ୍ୟା ପରେ ଅଧିକ ଦୁର୍ଦ୍ଦଶା ଭୋଗୁଛନ୍ତି ବସ୍ତିବାସିନ୍ଦା । ସପ୍ଲାଏ ପାଣି ଉପରେ ନିର୍ଭର କରୁଥିବା ଲୋକେ ଏବେ ହନ୍ତସନ୍ତ ହେଉଛନ୍ତି । ଜନସ୍ବାସ୍ଥ୍ୟ ବିଭାଗ ପକ୍ଷରୁ ଲୋକଙ୍କୁ ଟ୍ୟାଙ୍କରରେ ପାଣି ଯୋଗାଇ ଦିଆଯାଉଛି । ହେଲେ ତାହା ସମୁଦ୍ରକୁ ଶଙ୍ଖେ । ଫଳରେ ଆଖପାଖରେ ରହିଥିବା ଭଙ୍ଗାଦଦରା ନଳକୂପ ହିଁ ସାହା ଭରସା ।