ଭୁବନେଶ୍ବର:ଏଣିକି ମୋବାଇଲରେ ଡିଜିଟାଲ ଭୋଟ ପରିଚୟ ପତ୍ର ଦେଖାଇଲେ ନାଗରିକମାନେ ଭୋଟ ଦେଇପାରିବେ । ସେଥିପାଇଁ ଆଜି (ସୋମବାର)ଠାରୁ ଡିଜିଟାଲ ଫର୍ମାଟରେ ଭୋଟ ପରିଚୟ ପତ୍ର ଉପଲବ୍ଧ ହେବ । ଏହି ସମ୍ପର୍କରେ ନିର୍ବାଚନ ଅଧିକାରୀ ଏସ କେ ଲୋହାନୀ ୧୧ତମ ଜାତୀୟ ମତଦାତା ଦିବସ ଅବସରରେ ସୂଚନା ଦେଇଛନ୍ତି ।
ଏଣିକି ଅନଲାଇନରେ ମିଳିବ ଭୋଟ ପରିଚୟ ପତ୍ର
ସୋମବାରଠାରୁ 31ତାରିଖ ପର୍ଯ୍ୟନ୍ତ ନୂଆ ଭୋଟରମାନେ ସେମାନଙ୍କ ଭୋଟପରିଚୟ ପତ୍ର ପିଡ଼ିଏଫ ଫର୍ମାଟରେ ଡାଉନଲୋଡ଼ କରିପାରିବେ । ସାଧାରଣ ଭୋଟରମାନେ ଫେବୃୟାରୀ 1 ତାରିଖରୁ ଡାଉନଲୋଡ଼ କରିବେ । ମୋବାଇଲରେ ଏହି ଭୋଟ ପରିଚୟ ପତ୍ର ଦେଖାଇ ଭୋଟ ଦେଇ ହେବ । ଭୋଟ ପରିଚୟ ପତ୍ରକୁ ଡାଉନଲୋଡ କରିବା ପାଇଁ ଭୋଟରମାନେ voterportal.eci.gov.in ଅଥବା https://nvsp.in// ଏହି ଲିଙ୍କକୁ ବ୍ୟବହାର କରିବେ ।