ଭୁବନେଶ୍ବର: ବିଧାନସଭାରେ ବିଧାୟକମାନଙ୍କ ସାମ୍ବିଧାନିକ ଅଧିକାର କ୍ଷୁର୍ଣ୍ଣ କରାଯାଉଛି । କୌଣସି ବିଲ ଆଲୋଚନା ପୂର୍ବରୁ ବିଧାୟକମାନଙ୍କୁ ସେଇ ବିଲର ତଥ୍ୟ ଦିଆଯାଉ ନାହିଁ । ବୁକ ସର୍କୁଲାର ୪୭ ଖୋଲା ଉଲ୍ଲଙ୍ଘନ ହେଉଛି । ଆଜି ଏହାକୁ ନେଇ କଂଗ୍ରେସ ବିଧାୟକ ଦଳନେତା ନରସିଂହ ମିଶ୍ର ଗୃହରେ ଉଦବେଗ ପ୍ରକାଶ କରିଥିଲେ ।
ବୁକ ସର୍କୁଲାର ୪୭ ଉଲଂଘନ ବିଧାୟକ ସାଂସଦଙ୍କ ପ୍ରତି ଅପମାନ: ବିଜେପି ବିଧାୟକ
ଏହି ପ୍ରସଙ୍ଗରେ ବିଜେପି ବିଧାୟକ ମୁକେଶ ମହାଲିଙ୍ଗ ମଧ୍ୟ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ମୁକେଶ କହିଛନ୍ତି ବୁକ ସର୍କୁଲାର ୪୭ ଉଲ୍ଲଙ୍ଘନ ହେବା ବିଧାୟକ ସାଂସଦଙ୍କ ପ୍ରତି ଅପମାନ । ସେ (ମୁକେଶ ମହାଲିଙ୍ଗ) ମାସକୁ ଅତିକମରେ 15 ରୁ 20 ଚିଠି ବୁକ ସର୍କୁଲାର ୪୭ ଅଧିନରେ ଲେଖନ୍ତି । ହେଲେ କେହି ଉତ୍ତର କି ଚିଠି ପ୍ରାପ୍ତର ପ୍ରତି ଉତ୍ତର ମଧ୍ୟ ଦିଅନ୍ତି ନାହିଁ ।