ଭୁବନେଶ୍ବର: ରାଜରାସ୍ତାକୁ ଓହ୍ଲାଇଲେ ଗ୍ରାମରକ୍ଷୀ। ରାଜ୍ୟ ପୋଲିସ ବିଭାଗର ଏକ ଅନନ୍ୟ ଅଙ୍ଗ କୁହାଯାଉଥିବା ଗ୍ରାମରକ୍ଷୀମାନେ ଆଜି ବି ଅବହେଳିତ ହୋଇ ରହିଛନ୍ତି । ଏହାକୁ ନେଇ ଆଜି ସଂଘ ପକ୍ଷରୁ ବିଧାନସଭା ସମ୍ମୁଖରେ ପ୍ରଦର୍ଶନ କରିବା ସହ ଧାରଣା ଦେବାକୁ ବାଧ୍ୟ ହୋଇଛନ୍ତି ।
5 ଦଫା ଦାବିରେ ରାସ୍ତାକୁ ଓହ୍ଲାଇଲେ ଗ୍ରାମରକ୍ଷୀ
ପୋଲିସ ବିଭାଗର ଆଧୁନିକକରଣ ହେବା ସହ ସେମାନଙ୍କ ପାଇଁ ରାଜ୍ୟ ରାଜକୋଷରୁ କୋଟି କୋଟି ଟଙ୍କା ଖର୍ଚ୍ଚ ହେଉଥିବା ବେଳେ ଏବେବି ଏମାନେ ଦିନ ମଜୁରିଆ ଠାରୁ କମ୍ ପାରିଶ୍ରମିକ ପାଉଛନ୍ତି । ଏପରିକି ଏପର୍ଯ୍ୟନ୍ତ ସେମାନଙ୍କୁ ସରକାରୀ କର୍ମଚାରୀ ରୂପେ ଗଣାଯାଉନାହାଁନ୍ତି । ଅନ୍ୟ ପୋଲିସ ଓ ହୋମ ଗାର୍ଡ କର୍ମଚାରୀଙ୍କ ପରି ସୁବିଧା ସୁଯୋଗ ମିଳୁ ନାହିଁ ।