ଭୁବନେଶ୍ବର: ଭିଜିଲାନ୍ସ ସ୍କାନରରେ ଜିଆରଏସ । ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଜିଆରଏସ ବାବୁଲି ପଢ଼ିଆରୀଙ୍କ ଘରେ ଭିଜିଲାନ୍ସ ରେଡ । ଭୁବନେଶ୍ୱରର କଳାରାହାଙ୍ଗ ପଞ୍ଚାୟତର ଜିଆରଏସଙ୍କ ଘରେ ଚଢାଉ କରିଛି ଭିଜିଲାନ୍ସ । ବାବୁଲିଙ୍କର ଭୁବନେଶ୍ୱରର ୬ଟି ସ୍ଥାନରେ ଏକକାଳୀନ ଚଢ଼ାଉ କରାଯାଇଛି ।
ରଘୁନାଥପୁର ପୈତୃକ ଘର, କଳାରାହାଙ୍ଗ ଅଫିସ, ଆଶୀର୍ବାଦ ପ୍ଲାଜା ଆପାର୍ଟମେଣ୍ଟ, ରଘୁନାଥପୁରରେ ଥିବା ବିଲଡିଂରେ ଚଢାଉ ଜାରି ରହିଛି । ତେବେ କଳାରାହାଙ୍ଗ ଗ୍ରାମ ପଞ୍ଚାୟତ ଅଫିସରେ ଗ୍ରାମ ରୋଜଗାର ସେବକ ଭାବେ କାର୍ଯ୍ୟରତ । 3 ଜଣ ଡିଏସପି 10 ଜଣ ଆଇଆଇସି ରେଡରେ ସାମିଲ ରହିଛନ୍ତି । ଯାଞ୍ଚ ସମୟରେ ଅନେକ ସୁନା ଗହଣା ମିଳିଥିବା ବେଳେ ବହୁତଳ କୋଠା ଠାବ ହୋଇଛି । ଏଥିସହ ପ୍ଲଟ ମଧ୍ୟ ଠାବ କରିଛି ଭିଜିଲାନ୍ସ ଟିମ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ