ଭୁବନେଶ୍ବର/ଢେଙ୍କାନାଳ:ଭିଜିଲାନ୍ସ ଜାଲରେ ସହକାରୀ ଯନ୍ତ୍ରୀ । ନିମାପଡ଼ାରେ କାର୍ଯ୍ୟରତ ଆରଡି ସହକାରୀ ଯନ୍ତ୍ରୀ ଦୁଷ୍ମନ୍ତ ଦେହୁରୀଙ୍କ ଘରେ ଭିଜିଲାନ୍ସ ବିଭାଗର ରେଡ । ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍ କରିଛି ଭିଜିଲାନ୍ସ । ଭିଜିଲାନ୍ସର ୫ଟି ଟିମ୍ ଏକକାଳୀନ ୭ଟି ସ୍ଥାନରେ ଚଢ଼ାଉ କରୁଥିବା ଜଣାପଡିଛି । ନିମାପଡା, ଭୁବନେଶ୍ୱରର ଦୁଇଟି ସ୍ଥାନ, ଢେଙ୍କାନାଳ ସହରର ଗାୟତ୍ରୀ ନଗର, ଦଖିଣକାଳୀର ଦୁଇଟି ସ୍ଥାନ ଓ ମୋଟଙ୍ଗା ଥାନା ଅନ୍ତର୍ଗତ ଗୁନଦେଈ ଗ୍ରାମରେ ପୈତୃକ ଘରେ ଛାନଭିନ କରୁଛି ଭିଜିଲାନ୍ସ ।
ଭିଜିଲାନ୍ସ ଜାଲରେ ନିମାପଡା ଆରଡି ସହକାରୀ ଯନ୍ତ୍ରୀ ତେବେ ଭୁବନେଶ୍ୱରର ଶୈଳଶ୍ରୀ ବିହାରରେ ଏକ ବିଶାଳ ତିନି ମହଲା କୋଠାଘର ଭଡାରେ ଲଗାଯାଇଥିବା ଜଣା ପଡ଼ିଛି । ଏହା ବ୍ୟତୀତ ଶୈଳଶ୍ରୀ ବିହାରରେ ପରିବାର ସହ ରହୁଥିବା ସେଣ୍ଟର ପଏଣ୍ଟ ଆପାର୍ଟମେଣ୍ଟର ଫ୍ଲାଟରେ ଭିଜିଲାନ୍ସ ରେଡ କରି ନଗଦ ଲକ୍ଷାଧିକ ଟଙ୍କା, ବିପୁଳ ସୁନା ଗହଣା, ବିଭିନ୍ନ ବ୍ୟାଙ୍କ୍ର ପାସ୍ବୁକ, ବୀମା ବଣ୍ଡ, ନାମୀଦାମୀ ଗାଡି ଓ ଦାମୀ ସାମଗ୍ରୀ ଆଦି ଭିଜିଲାନ୍ସ ହାତରେ ଲାଗିଛି । ତେବେ ଚଢ଼ାଉ ଚାଲିଥିବାରୁ ଠାବ ହୋଇଥିବା ବେଆଇନ ଠୁଳ ସମ୍ପତ୍ତିର ସଠିକ ଆକଳନ ହୋଇ ପାରିନଥିଲେ ମଧ୍ୟ ସ୍ଥାବର ଓ ଅସ୍ଥାବର ସମ୍ପତ୍ତି ମିଶି କୋଟିକୋଟି ଟଙ୍କା ହେବ ବୋଲି ଅନୁମାନ କରାଯାଉଛି ।
