ଭିଜିଲାନ୍ସ ପଞ୍ଝାରେ ବଡ ବାବୁ, ଅବସରପ୍ରାପ୍ତ ଫରେଷ୍ଟ ରେଞ୍ଜରଙ୍କ ଘରେ ଚଢାଉ

ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ କଟକ ତୁଳସୀପୁର ସ୍ଥିତ ମହୁମାଛି ଗଳିରେ ରହୁଥିବା ଅବସର ପ୍ରାପ୍ତ ରେଞ୍ଜର ଅଭୟ କୁମାର ଜେନାଙ୍କ ବାସଭବନ ଠାରେ ଚାଲିଛି ଭିଜିଲାନ୍ସ ରେଡ୍। ୫ ଟି ଟିମ୍ କଟକ ସମେତ ବାଲୁଗାଁ, ଭୁବନେଶ୍ୱର ଠାରେ ମଧ୍ୟ ରେଡ୍ ଜାରି ରହିଛି।

ଭୁବନେଶ୍ବର: ଫରେଷ୍ଟ ରେଞ୍ଜରଙ୍କ ଘରେ ଭିଜିଲାନ୍ସ ରେଡ୍। ଅବସର ପ୍ରାପ୍ତ ଫରେଷ୍ଟ ରେଞ୍ଜର ଅଭୟ ଜେନାଙ୍କ କଟକ ଓ ଭୁବନେଶ୍ୱର ସମେତ କେନ୍ଦ୍ରାପଡା ଓ ବାଲୁଗାଁ ବାସଭବନରେ ଚାଲିଛି ଛାନଭିନ୍। ଭିଜିଲାନ୍ସର ୫ ଟି ଟିମ୍ କଟକ ସମେତ ବାଲୁଗାଁ, ଭୁବନେଶ୍ୱର ନିଉ ଫରେଷ୍ଟ ପାର୍କ ସ୍ଥିତ ପ୍ଲଟ ନମ୍ବର 1504 ରେ ଥିବା ତିନି ମହଲା କୋଠା, କଟକ ବାସଭବନରେ ଚଢାଉ ଚାଲିଛି।

ଭୁବନେଶ୍ବରର ଭୀମପୁର,ବାରଙ୍ଗରେ ମଧ୍ଯ ରେଡ କରିଛନ୍ତି ଟିମ। କଟକ ତୁଳସୀପୁର ବାସ ଭବନ, କେନ୍ଦ୍ରାପଡାରେ ଥିବା ଶ୍ବଶୁର ଘର ଓ ପୈତୃକ ଘର, ଭୁବନେଶ୍ୱରରେ ଥିବା ଭଡା ଘର ସମେତ ବାଲୁଗାଁ କାର୍ଯାଳୟରେ ୫ଟି ଟିମର ଚଢାଉ ଜାରି ରହିଛି ।

ଏହି ସମୟରେ ଅନେକ ଆସବାବପତ୍ର, ଟଙ୍କା, ସୁନା, ଜମି ଓ ୨ଟି ବନ୍ଧୁକ ଜବତ ହୋଇଛି। ସମସ୍ତ ସମ୍ପତ୍ତିର ଯାଞ୍ଚ୍ ପ୍ରକ୍ରିୟା ଜାରି ରହିଛି। ଏହା ପୂର୍ବରୁ ମଧ୍ୟ ଭିଜିଲାନ୍ସ ରେଡର ସାମ୍ନା କରିଥିଲେ ଅଭୟ କୁମାର ଜେନା।

ଭୁବନେଶ୍ବରରୁ ତାପସ ପରିଡା ଓ କଟକରୁ ନାରାୟଣ ସାହୁ, ଇଟିଭି ଭାରତ