ଜଗତସିଂହପୁର: ଜିଲ୍ଲାରେ ଟୀକାକରଣ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଶେଷ ହୋଇଛି । ପ୍ରଧାନମନ୍ତ୍ରୀଙ୍କ ଟୀକାକରଣ କେନ୍ଦ୍ରର ଉଦଘାଟନ କାର୍ଯ୍ୟକ୍ରମକୁ ଜଗତସିଂହପୁର ମେଡ଼ିକାଲକୁ ଯୋଡ଼ାଯିବ। ଟିକା ନେଇଥିବା ବ୍ୟକ୍ତିଙ୍କ ସହ ପ୍ରଧାନମନ୍ତ୍ରୀ ଭିଡିଓ କନଫରେନ୍ସିଂ ଜରିଆରେ କଥାହେବାର କାର୍ଯ୍ୟକ୍ରମ ରହିଛି ।
ଏହାକୁ ନେଇ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ଭିଡିଓ କନଫରେନ୍ସିଂ ରୁମର ବ୍ୟବସ୍ଥା କରାଯିବା ସହ ଜିଲ୍ଲାରେ 4ଟି ଟୀକାଦାନ କେନ୍ଦ୍ର ଖୋଲାଯାଇଛି । ସେଗୁଡିକ ହେଲା ରଘୁନାଥପୁର, ବାଲିକୁଦା, ତିତ୍ତୋଲ ଓ ବିରିଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର । ଏଠାରେ ଟୀକାକରଣ କେନ୍ଦ୍ର ଖୋଲାଯାଇ ବିଶେଷ ବ୍ୟବସ୍ଥା କରାଯାଇଛି । ଜିଲ୍ଲାରେ ମୋଟ 5 ହଜାର 100 ଟିକା ଆସି ଥିବାବେଳେ 7 ହଜାର 9 ଶହ 92 ଜଣ ପଞ୍ଜିକୃତ କରିଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ