ଭୁବନେଶ୍ବର: ରାଜ୍ୟରେ ଟୀକାକରଣ ଦ୍ରୁତଗତିରେ ଚାଲୁରହିଛି । ଦୈନିକ 3 ଲକ୍ଷ ଟୀକାକରଣ କରାଯାଉ ଥିବାବେଳେ ଗତକାଲି(ସୋମବାର) 4 ଲକ୍ଷ ଟୀକାକରଣ କରାଯାଇଛି । ତେବେ 4 ରୁ 5 ମାସ ମଧ୍ୟରେ ଆମେ ରାଜ୍ୟରେ ଟୀକାକରଣ ପ୍ରକ୍ରିୟା ଶେଷ ହେବ ବୋଲି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି ।
4 ରୁ 5 ମାସ ମଧ୍ୟରେ ସରିବ ଟୀକାକରଣ: ବିଜୟ ପଣିଗ୍ରାହୀ ବିଜୟ ପାଣିଗ୍ରାହୀ କହିଛନ୍ତି ଯେ, 'ଗତକାଲି ଆମର 1735 ଟିକାଦାନ କେନ୍ଦ୍ରରେ ଟୀକାକରଣ ହୋଇଛି । ଆମର ଆଗରୁ 3 ଲକ୍ଷ ଟୀକାକରଣ ପାଇଁ ଥିଲା । ମାତ୍ର ଗତକାଲି ଆମର ଲକ୍ଷ୍ୟ ଧାର୍ଯ୍ୟଠୁ ଅଧିକ ଟୀକାକରଣ ହୋଇଛି । ଗତକାଲି 4 ଲକ୍ଷ 2 ହଜାର 434 ଜଣଙ୍କୁ ଟିକା ଦିଆଯାଇଛି । ବର୍ତ୍ତମାନ ସୁଦ୍ଧା 1 କୋଟି 24 ଲକ୍ଷ 91 ହଜାର 857 ଟୀକାକରଣ ହୋଇଛି ।'
1657 ଟି ଟିକାଦାନ କେନ୍ଦ୍ରରେ ଟୀକାକରଣ ଚାଲିଛି । 4 ରୁ 5 ମାସ ମଧ୍ୟରେ ଆମେ ରାଜ୍ୟରେ ଟୀକାକରଣ ପ୍ରକ୍ରିୟା ଶେଷ ହେବ । ବର୍ତ୍ତମାନ ଲୋକମାନେ ଟିକା ନେବାକୁ ଅଧିକ ଆଗ୍ରହ ପ୍ରକାଶ କରୁଛନ୍ତି ଏବଂ ଅନସାଇଟ ଉପରେ ଲୋକମାନେ ଅଧିକ ଟିକା ନେବାକୁ ଆସୁଥିବାରୁ ଟୀକାକରଣ କେନ୍ଦ୍ରରେ ଭିଡ଼ ହେଉଛି ବୋଲି ପରିବାର କଲ୍ୟାଣ ନିର୍ଦ୍ଦେଶକ କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
