ଭୁବନେଶ୍ବର: ଭ୍ୟାକ୍ସିନେସନ ସାର୍ଟିଫିକେଟ ସୋସିଆଲ ମିଡିଆରେ ପୋଷ୍ଟ କରୁଛନ୍ତି କି ? ଆପଣ ହୋଇପାରନ୍ତି ସାଇବର ଠକଙ୍କ ଶିକାର। ଏ ନେଇ କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ ଲୋକଙ୍କୁ ସୂଚନା ଜାରି କରାଯାଇଛି ।
କୋରୋନା ଭାଇରସକୁ ମୁକାବିଲା କରିବା ପାଇଁ ସମସ୍ତେ ନେଉଛନ୍ତି ଟୀକା । ବର୍ତ୍ତମାନ ଦେଶରେ ଟୀକାକରଣ ପ୍ରକ୍ରିୟା ଚାଲିଛି । ଏହି ପରିପ୍ରେକ୍ଷୀରେ ଟୀକାକୁ ନେଇ ଲୋକଙ୍କ ମଧ୍ୟରେ ଉତ୍ସାହ ଦେଖାଦେଇଛି । ଜୋସରେ ଟିକା ସାର୍ଟିଫିକେଟକୁ ସୋସିଆଲ ମିଡିଆରେ ପୋଷ୍ଟ କରୁଛନ୍ତି । ସାଇବର ଠକ ଜାଣୁଛି ଆପଣଙ୍କ ଗୁପ୍ତ ତଥ୍ୟ । ଏପରିକି ଟିକାର କ୍ୟୁଆର କୋର୍ଡରୁ ଆପଣଙ୍କ ତଥ୍ୟ ହାସଲ ପରେ ଆପଣଙ୍କୁ ଯୋଗାଯୋଗ କରି ଠକେଇ ପାଇଁ ଯୋଜନା ରଚୁଛନ୍ତି । କାରଣ ଆପଣଙ୍କ ଆଧାର ନମ୍ବର ସମେତ ନାମ ଓ ମୋବାଇଲ ନମ୍ବର ସବୁକିଛି ଯାହା ଟିକା ସାର୍ଟିଫିକେଟରେ ଉପଲବ୍ଧ ତାହା ସାଇବର ଠକ ଜାଣିଗଲେ ଆପଣଙ୍କୁ ବିଭିନ୍ନ ଉପାୟରେ ଠକେଇ ଶିକାର କରିପାରନ୍ତି । ଏପରିକି ପ୍ରଥମ ଡୋଜର ସାର୍ଟିଫିକେଟରୁ ତଥ୍ୟ ଜାଣି ଦ୍ବିତୀୟ ଡୋଜ ପାଇଁ ସ୍ଲଟ ବୁକିଂ ଆଳରେ କଲ କରି ଆପଣଙ୍କଠୁ ତଥ୍ୟ ନେଇ ଠକାମିର ଜାଲ ବିଛାଇପାରନ୍ତି ।