ମୋ ସରକାରରେ ସାମିଲ ନଗର ଉନ୍ନୟନ ବିଭାଗ

ମୋ ସରକାରରେ ଯୋଡି ହେଲା ନଗର ଉନ୍ନୟନ ବିଭାଗ। ଲୋକସେବା ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତି ନଗର ଉନ୍ନୟନ ବିଭାଗରେ ‘ମୋ ସରକାର’ ଶୁଭାରମ୍ଭ ହୋଇଛି। ଅଧିକ ପଢ଼ନ୍ତୁ...

ଭୁବେନଶ୍ବର: ‘ମୋ ସରକାର’ ରେ ଯୋଡି ହେଲା ଆଉ ଏକ ବିଭାଗ। ଶୁକ୍ରବାର ଲୋକସେବା ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୃହ ଓ ନଗର ଉନ୍ନୟନ ବିଭାଗରେ ମୋ ସରକାର କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି। ଏହି ଅବସରରେ ୫T ସଚିବ ଭିଡିଓ କନଫରେନ୍ସ ଜରିଆରେ ସମସ୍ତ ଜିଲ୍ଲାର ଜିଲ୍ଲାପାଳ ଓ ନଗର ଉନ୍ନୟନ ବିଭାଗର ଅଧିକାରୀଙ୍କ ସହ ‘ମୋ ସରକାର’ ବାବଦରେ ଅଧିକାରୀଙ୍କୁ ଅବଗତ କରାଇଛନ୍ତି।

‘ମୋ ସରକାର’ ଫଣ୍ଡା ହେଉଛି ଲୋକଙ୍କ ମତାମତ ଆଧାରରେ ଯେଉଁ ଅଧିକାରୀ ଭଲ କାର୍ଯ୍ୟ କରିଥିବେ ସେମାନଙ୍କୁ ସରକାର ପ୍ରଶଂସା ସହ ପଦନ୍ନୋତି ଦେବେ । ଏହା ସହ ଯେଉଁ ଅଧିକାରୀ କାର୍ଯ୍ୟରେ ଅବହେଳା କରୁଥିବେ ସେମାନଙ୍କ ପ୍ରତି କାର୍ଯ୍ୟାନୁଷ୍ଠାନ ହେବେ ବୋଲି ବୁଝାଇଛନ୍ତି ୫T ସଚିବ।

ପୂର୍ବରୁ ‘ମୋ ସରକାର’ ରେ ଅନେକ ବିଭାଗ ସାମିଲ ହୋଇସାରିଛି । ଗତ ଅକ୍ଟୋବର 2ତାରିଖରୁ ଏହି କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା। ଉଭୟ ଗୃହ ଓ ସ୍ଵାସ୍ଥ୍ୟ ବିଭାଗରେ ଏହି କାର୍ଯ୍ୟକ୍ରମ ଲାଗୁ ପରେ ଲୋକଙ୍କ ଠାରୁ ସିଧାସଳଖ ମତାମତ ନିଆଯାଉଛି।

ମୁଖ୍ୟମନ୍ତ୍ରୀଙ୍କ ଉପସ୍ଥିତରେ ‘ମୋ ସରକାର’ ର ଶୁଭାରମ୍ଭ ହୋଇଛି। ଜନ ସାଧାରଣଙ୍କ ଠାରୁ ମୁଖ୍ୟମନ୍ତ୍ରୀ, ବିଭାଗୀୟ ମନ୍ତ୍ରୀ, ସଚିବ ଫୋନ ଯୋଗେ ନେବେ ମତାମତ। ସମୟସୀମା ଓ ସ୍ୱଚ୍ଛତାରେ ମିଳିବ ସେବା। ବୈଠକରେ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ, ଉନ୍ନୟନ କମିଶନର ସୁରେଶ ମହାପାତ୍ର, 5ଟି ସଚିବ ଭିକେ ପଣ୍ଡିଆନ, ବିଭାଗୀୟ ସଚିବ ପ୍ରମୁଖ ଉପସ୍ଥିତ ଥିଲେ।

ଭୁବନେଶ୍ବରରୁ ତପନ ଦାସ, ଇଟିଭି ଭାରତ