ଭୁବନେଶ୍ବର :ରାଜ୍ୟ ଉଚ୍ଚ ଶିକ୍ଷା ବିଭାଗ ପକ୍ଷରୁ ବିଶ୍ବବିଦ୍ୟାଳୟ ଶିକ୍ଷାରେ ସଂସ୍କାର ଆଣିବା ପାଇଁ ଏକ ସଂଶୋଧନ ବିଧେୟକ ଅଣାଯାଇଥିଲା । ଯାହାକି ମଙ୍ଗଳବାର ବିଧାନସଭାରେ ଗୃହୀତ ହୋଇ ଆଇନରେ ପରିଣତ ହୋଇଛି। ତେବେ ଏହି ଆଇନକୁ ବିରୋଧ କରି AIDSO ପକ୍ଷରୁ ପ୍ରଦର୍ଶନ କରାଯିବା ସହ ଏହାର ପ୍ରତିଲିପିକୁ ପୋଡାଯାଇଛି।
ସ୍ଥାନୀୟ ମାଷ୍ଟର କ୍ୟାଣ୍ଟିନ ଛକ ଠାରେ ଆୟୋଜିତ ଏକ ବିକ୍ଷୋଭ ସମାବେଶରେ ଏହି ଆଇନ ଦ୍ବାରା ସରକାର କିଭଳି ଭାବେ ଶିକ୍ଷାକ୍ଷେତ୍ରରେ ରାଜନୀତିକୁ ପ୍ରବେଶ କରୁଛନ୍ତି । ଏହାର ମାନ ହ୍ରାସ କରିବା ପାଇଁ ଚେଷ୍ଟା କରୁଛନ୍ତି ବୋଲି କହିଛନ୍ତି ଅନୁଷ୍ଠାନର ସମ୍ପାଦକ ସୁବାଷ ନାୟକ । ଏହି ବିଧେୟକକୁ ପ୍ରଥମ ଦିନରୁ ବିରୋଧ କରାଯାଉଛି ଓ ଆଗାମୀ ଦିନରେ ଏହାକୁ ନେଇ ବ୍ୟାପକ ଆନ୍ଦୋଳନ ହେବ ବୋଲି ସେ ସରକାରକୁ ସତର୍କ କରାଇ ଦେଇଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ