ଭୁବନେଶ୍ବର: କିଡ଼ନୀ ପ୍ରତିରୋପଣ ପରେ ରୋଗୀଙ୍କୁ ଶସ୍ତା ଔଷଧ ଦିଆଯାଉଥିବା ଅଭିଯୋଗ ହୋଇଛି । ବାରମ୍ବାର ଅଭିଯୋଗ ପରେ କୌଣସି ସୁଫଳ ନ ମିଳିବାରୁ ଲୋୟର ପିଏମଜିରେ ଦୀର୍ଘ ଦିନ ଧରି ଧାରଣାରେ ବସିଥିଲେ ୮୦ ପରିବାର । ଏ ସମ୍ପର୍କରେ ଖବର ପାଇବା ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଧାରଣା ସ୍ଥଳକୁ ଯାଇ ଉକ୍ତ ପରିବାରକୁ ଭେଟି ସେମାନଙ୍କୁ ଦୁଃଖ ବୁଝିଛନ୍ତି ।
କିଡ଼ନୀ ପ୍ରତିରୋପଣ ରୋଗୀକୁ ଶସ୍ତା ଔଷଧ, ୮୦ ପରିବାରକୁ ଭେଟିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର
ଦୀର୍ଘ ଏକ ମାସ ଧରି ଧାରଣାରେ ବସିଛନ୍ତି ଅନେକ ପରିବାର। ଏମାନେ କଟକ ବଡ଼ ମେଡ଼ିକାଲ SCB କଲେଜରେ କିଡ଼ନୀ ପ୍ରତିରୋପଣ ପରେ ସେମାନଙ୍କୁ ସଠିକ ଔଷଧ ଦିଆଯାଉନଥିବା ଅଭିଯୋଗ କରିଛନ୍ତି । ଶସ୍ତା ଔଷଧ ରୋଗୀଙ୍କୁ ଦିଆଯାଉଛି । ଏପରିକି ଶସ୍ତା ଔଷଧ ଦେଇ ଅନେକ ରୋଗୀଙ୍କର ମୃତ୍ୟୁ ଘଟିଛି ବୋଲି ଅଭିଯୋଗ କରିଛନ୍ତି ଆନ୍ଦୋଳନକାରୀ । ତୁରନ୍ତ ଭଲ ଔଷଧ ଦିଆଯାଉ। ଯାହା ଫଳରେ ଅନେକ ପରିବାରର ନିଜ ଲୋକ ବଞ୍ଚିପାରିବେ ବୋଲି କହିଛନ୍ତି ଆନ୍ଦୋଳନକାରୀ ।