ଭୁବନେଶ୍ବର: ଆସନ୍ତା 24 ଘଣ୍ଟା ମଧ୍ୟରେ ଉତ୍ତର ଆଭ୍ୟନ୍ତରୀଣ ଓଡ଼ିଶାରେ ପୁଣି ପାରଦ ତଳକୁ ଖସି ଅସହ୍ୟ ଶୀତ ଅନୁଭୂତ ହେବ ବୋଲି ସୋମବାର ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ମିଳିଛି । ଅସହ୍ୟ ଶୀତରେ ଘନ କୁହୁଡି ଲାଗି ରହିବାର ଆଶଙ୍କା ଥିବାରୁ 6ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।
ଆସନ୍ତା 24 ଘଣ୍ଟାରେ ପୁଣି ଫେରିବ ଅସହ୍ୟ ଶୀତ
ରାଜ୍ୟର ଝାରସୁଗୁଡା, ମୟୂରଭଞ୍ଜ, ଅନୁଗୁଳ, ସମ୍ବଲପୁର, ବରଗଡ଼, କେନ୍ଦୁଝର ଜିଲ୍ଲାରେ ତାପମାତ୍ରା 2 ରୁ 3 ଡିଗ୍ରୀ ତଳକୁ ଖସିବ । ସେହିପରି ଉପକୂଳ ଓଡ଼ିଶାରେ ୪୮ ଘଣ୍ଟା ପରେ ୨ ରୁ ୩ ଡିଗ୍ରୀ ତାପମାତ୍ରା ଖସିବ। ତେବେ ଆସନ୍ତା 24 ଘଣ୍ଟା ମଧ୍ୟରେ ନୟାଗଡ଼, ଖୋର୍ଦ୍ଧା, କନ୍ଧମାଳ, ଜଗତସିଂହପୁର, କଟକ,ବୌଦ୍ଧ ଜିଲ୍ଲାରେ ଘନ କୁହୁଡି ଲାଗି ରହିବା ନେଇ ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ୟେଲୋ ୱାର୍ଣ୍ଣିଂ ଜାରି କରିଛି ।