ଲୋୟର ପିଏମଜିରେ ୟୁକ୍ରେନ ଫେରନ୍ତା ମେଡିକାଲ ଛାତ୍ରଛାତ୍ରୀଙ୍କ ଧାରଣା

ଲୋୟର ପିଏମଜିରେ ୟୁକ୍ରେନ ଫେରନ୍ତା ମେଡିକାଲ ଛାତ୍ରଛାତ୍ରୀଙ୍କ ଧାରଣା । ଭାରତରେ ସେମାନଙ୍କ ଆଡ଼ମିଶନ ପାଇଁ ପଦକ୍ଷେପ ନେବାକୁ କେନ୍ଦ୍ର ସରକାରଙ୍କୁ ଦାବୀ କରିଛନ୍ତି । ଅଧିକ ପଢନ୍ତୁ

ଭୁବନେଶ୍ବର : ଲୋୟର ପିଏମଜିରେ ୟୁକ୍ରେନ ଫେରନ୍ତା ମେଡିକାଲ ଛାତ୍ରଛାତ୍ରୀଙ୍କ ଧାରଣା । ହାତରେ ପ୍ଲା କାର୍ଡ ଧରି ନିଜ ଦେଶରେ ଶିକ୍ଷାର ଅଧିକାର ଦେବାକୁ ଦାବୀ କରି ଶୋଭାଯାତ୍ରା କରିଥିଲେ ଶହ ଶହ ଛାତ୍ରଛାତ୍ରୀ । ଭାରତର ମେଡିକାଲ କଲେଜରେ ସେମାନଙ୍କ ଆଡ଼ମିଶନ ପାଇଁ ପଦକ୍ଷେପ ନେବାକୁ କେନ୍ଦ୍ର ସରକାରଙ୍କୁ ଦାବୀ କରିଛନ୍ତି ।

କାରଣ ୟୁକ୍ରେନରେ ଏପର୍ଯ୍ୟନ୍ତ ଯୁଦ୍ଧ ସ୍ଥିତି ଜାରି ରହିଛି। ତେଣୁ ଏବେ କେବଳ ଅନଲାଇନ୍ କ୍ଳାସ୍ ହେଉଛି କିନ୍ତୁ ପ୍ରାକ୍ଟିକାଲ ବା କ୍ଲିନିକାଲ ଶିକ୍ଷାରୁ ବଞ୍ଚିତ ଅଛନ୍ତି ଛାତ୍ରଛାତ୍ରୀ । ତେଣୁ ଭବିଷ୍ୟତକୁ ନେଇ ଚିନ୍ତାରେ ଓଡ଼ିଶା ଫେରିଥିବା 5 ଶହରୁ ଅଧିକ ଛାତ୍ରଛାତ୍ରୀ । ଏନଏମସି ବା ନ୍ୟାସନାଲ ମେଡିକାଲ କମିଶନ ନିୟମ କୋହଳ କରି ସେମାନଙ୍କୁ ଦେଶ ଭିତରେ ଗୋଟିଏ ସମୟ ପାଇଁ ସିଟ୍ ବଢାଇ ଆଡମିଶନ ପାଇଁ ସରକାର ବ୍ୟବସ୍ଥା କରନ୍ତୁ ବୋଲି ଦାବୀ କରିଛନ୍ତି ଛାତ୍ରଛାତ୍ରୀ ।

ୟୁକ୍ରେନ ଫେରନ୍ତା ମେଡିକାଲ ଛାତ୍ରଛାତ୍ରୀମାନେ ପୂର୍ବରୁ ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ସାଂସଦ ଅପରାଜିତା ଷଡଙ୍ଗୀ ଏବଂ ମୁଖ୍ୟ ଶାସନ ସଚିବଙ୍କୁ ଭେଟିଥିଲେ । ଏହି ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ମଧ୍ୟ ହସ୍ତକ୍ଷେପ କରିବାକୁ ଅନୁରୋଧ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏବେ ଶାନ୍ତିପୂର୍ଣ୍ଣ ଧାରଣା ଓ ରାଲି କରିଥିବା ବେଳେ ଆଗାମୀ ଦିନରେ ଆଭିମୁଖ୍ୟ କଡ଼ା ହେବ ବୋଲି କହିଛନ୍ତି ଛାତ୍ରଛାତ୍ରୀ । ଅନ୍ୟପଟେ ନିଜ ପିଲାର ଭବିଷ୍ୟତକୁ ନେଇ ଚିନ୍ତାରେ ଥିବା ଅଭିଭାବକମାନେ ମଧ୍ୟ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ ଆଡମିଶନ ନେଇ ବ୍ୟବସ୍ଥା କରିବାକୁ ଅନୁରୋଧ କରିଛନ୍ତି ।

ଇଟିଭି ଭାରତ, ଭୁବନେଶ୍ବର