ଭୁବନେଶ୍ବର: ଆସୁଛି ବିଘ୍ନ ବିନାଶକ ଗଣେଶଙ୍କ ପୂଜା । ଚଳିତବର୍ଷ ଧୁମଧାମରେ ପୂଜା ପାଇଁ ଦୈତନଗରୀ କଟକ ଓ ଭୁବନେଶ୍ବରରେ ପ୍ରସ୍ତୁତି ଆରମ୍ଭ ହୋଇଛି । ବିଭିନ୍ନ ଗଣେଶ ପୂଜା କମିଟିର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି । ଏହି ବୈଠକରେ ମୁଖ୍ୟ ଅତିଥି ଭାବେ ବିଧାୟକ ତଥା ପୂଜା କମିଟିର ମୁଖ୍ୟ ସୌମ୍ୟ ରଞ୍ଜନ ପଟ୍ଟନାୟକ ଯୋଗ ଦେଇଥିଲେ । ଏହା ସହ ଅନୁଷ୍ଠାନର ସଭାପତି ସରୋଜ ସିଂହ, ମନୋରଞ୍ଜନ ଦାସଙ୍କ ସହ ଅନ୍ୟାନ୍ୟ କର୍ମକର୍ତ୍ତା ମଧ୍ୟ ସାମିଲ ହୋଇଥିଲେ ।
ଗଣେଷ ପୂଜା ପାଇଁ ସଜବାଜ, ଦୈତନଗରି ଗଣେଶ ପୂଜା କମିଟିର ପ୍ରସ୍ତୁତି ବୈଠକ
ସଭାପତି ସରୋଜ ସିଂହ କହିଛନ୍ତି, "କଟକ ଓ ଭୁବନେଶ୍ବରରେ କିପରି ଭାବରେ ଗଣେଶ ପୂଜାକୁ ଧୁମଧାମରେ ପାଳନ ହେବା ସହ ସୁରକ୍ଷିତ ଭାବେ ସମାପନ ହେବ, ସେ ନେଇ ବୈଠକରେ ଆଲୋଚନା ହୋଇଛି । ଏଥର ଦୈତନଗରୀର ବିଭିନ୍ନ କ୍ଳବକୁ ମଧ୍ୟ ଯୋଡା ଯାଇଛି । ଏଥର ଜାକଜମକରେ ପୂଜା ପାଳନ କରାଯିବା ସହ ନୂତନ ପ୍ରତିଭାକୁ ଲୋକଲୋଚନକୁ ଅଣାଯିବାର କାର୍ଯ୍ୟକ୍ରମ ମଧ୍ୟ ରହିଛି । ଏହାସହ କୃତି ପ୍ରତିଯୋଗୀଙ୍କୁ ପୁରସ୍କୃତ କରିବାକୁ ଲକ୍ଷ୍ୟ ରହିଛି ।"