ଭୁବନେଶ୍ବର: କୋରୋନା ଯୋଦ୍ଧାଙ୍କ ପାଇଁ ଆସିଥିଲା ଟେଷ୍ଟ କିଟ। ଓଡ଼ିଶାର ବରାଦ ମୁତାବକ ପଞ୍ଜାବରୁ ଆସିଥିଲା ଟ୍ରକ। ହେଲେ ଓଡିଶା ସରକାର ଗ୍ରହଣ କରିବାକୁ ନାରାଜ। ଯାହା ଫଳରେ ପାଖାପାଖି 20ଟି ଟ୍ରକ ଏବେ ରାଜରାସ୍ତାରେ ଛିଡା ହୋଇ ରହିଛି। ସେହିପରି ପଞ୍ଜାବରୁ ଆସିଥିବା ଏକ ଭେଣ୍ଟିଲେଟର ବୋଝେଇ ଟ୍ରକ ମଧ୍ୟ ରାସ୍ତାରେ ଛିଡା ହୋଇଛି।
ପିପିଇ କିଟ ନେଇ ଆସିଥିଲା ଟ୍ରକ, ଫେରାଇ ଦେଲେ ଓଡିଶା
ଓଡିଶା ଔଷଧ ନିଗମ ପକ୍ଷରୁ ଦିଆଯାଇଥିଲା ବରାଦ। ହେଲେ କଣ ହେଲା କେଜାଣି ତାକୁ ଫେରାଇ ଦେବାକୁ ନିଷ୍ପତ୍ତି ନେଇଛି ସ୍ବାସ୍ଥ୍ୟ ବିଭାଗ। ପିପିଇ ଆବଶ୍ୟକ ନଥିବା କହିଛନ୍ତି ସ୍ବାସ୍ଥ୍ୟମନ୍ତ୍ରୀ। ତେବେ ଯଦି ଆବଶ୍ୟକ ନଥିଲା ତେବେ କଣ ପାଇଁ କିଟ ବରାଦ ଦେଉଥିଲେ ବୋଲି ଏଠାରେ ପ୍ରଶ୍ନ ଉଠିଛି ।