ଭୁବନେଶ୍ବରୁ: ଭୁବନେଶ୍ବର- ବେଙ୍ଗାଲୁରୁ ପ୍ରଶାନ୍ତି ସ୍ପେଶାଲ ଟ୍ରେନ ବେଙ୍ଗାଲୁରୁର ୨ଟି ଷ୍ଟେସନରେ ପହଞ୍ଚିବା ସମୟରେ ସାମାନ୍ୟ ପରିବର୍ତ୍ତନ କରାଯାଇଛି । ସେହିପରି ଅନ୍ୟ ଏକ ଟ୍ରେନ ହାୱଡ଼ା-ଯଶୋବନ୍ତପୁର ସ୍ପେଶାଲ କ୍ରୀଷ୍ଣାରାଜପୁରମରେ ଅତିରିକ୍ତ ରହଣି କରିବ । ଏନେଇ ପୂର୍ବତଟ ରେଳପଥ ପକ୍ଷରୁ ଟ୍ରେନର ଚଳାଚଳ ସମୟ ସୂଚୀରେ ସାମାନ୍ୟ ପରିବର୍ତ୍ତନ କରାଯାଇଛି ।
ଯାତ୍ରୀମାନଙ୍କ ସୁବିଧା ପାଇଁ ବେଙ୍ଗାଲୁରୁ ପୂର୍ବ ଏବଂ ବାଙ୍ଗାଲୋର କ୍ୟାଣ୍ଟ ଷ୍ଟେସନରେ ପ୍ରଶାନ୍ତି ସ୍ପେଶାଲ ଟ୍ରେନର ପହଞ୍ଚିବା ସମୟକୁ ସଂଶୋଧନ କରିବା ସହ ଏବଂ ଅସ୍ଥାୟୀ ଭାବରେ କ୍ରୀଷ୍ଣାରାଜପୁରମ୍ ଷ୍ଟେସନ ଠାରେ ହାୱଡ଼ା-ଯଶୋବନ୍ତପୁର ସ୍ପେଶାଲର ଅତିରିକ୍ତ ରହଣି କରିବାକୁ ନିଷ୍ପତ୍ତି ନିଆଯାଇଛି । ଭୁବନେଶ୍ବରରୁ 20 ଅକ୍ଟୋବର, 2021 ଠାରୁ ଛାଡିବାକୁ ଥିବା ଭୁବନେଶ୍ବର-ବାଙ୍ଗାଲୋର ପ୍ରଶାନ୍ତି ସ୍ପେଶାଲ (08463) ବାଙ୍ଗାଲୋର ପୂର୍ବ ଷ୍ଟେସନରେ ଏହାର ପୂର୍ବ ନିର୍ଦ୍ଧାରିତ ସମୟ ସାରଣୀ ବଦଳରେ ପୂର୍ବାହ୍ନ ୧୦ଘ.୪୫ ମି.ରେ ପହଞ୍ଚିବ । ସେହିପରି ପୂର୍ବାହ୍ନ ୧୦ଘ.୪୬ମି.ରେ ବେଙ୍ଗାଲୁରୁ କ୍ୟାଣ୍ଟ ଅଭିମୁଖେ ଯାତ୍ରା କରିବ ।