ତେଲାଙ୍ଗାନା ପୋଲିସକୁ ଟ୍ରାନ୍ସଜେଣ୍ଡର ସଙ୍ଘର ସଲାମ

ତେଲାଙ୍ଗାନା ପୋଲିସର ଏନକାଉଣ୍ଟର ପରେ ଏବେ ବିଭିନ୍ନ ମହଲରେ ପୋଲିସକୁ ବାଃ ବାଃ ଦିଆଯାଉଛି । ରାଜଧାନୀ ଭୁବନେଶ୍ବରରେ ଏନେଇ ପ୍ରତିକ୍ରିୟା ଦେଖିବାକୁ ମିଳିଛି । ଟ୍ରନ୍ସଜେଣ୍ଡର ସଙ୍ଘ ପକ୍ଷରୁ ପୋଲିସକୁ ଅଭିନନ୍ଦନ ଜଣାଇଛନ୍ତି ।

ଭୁବନେଶ୍ବର: ହାଇଦ୍ରାବାଦର ଡାକ୍ତରାଣୀ ଗଣଦୁଷ୍କର୍ମ ଘଟଣା ସାରା ଭାରତ ବର୍ଷକୁ ଦୋହଲାଇ ଦେଇଥିବା ବେଳେ ଆଜି ସକାଳୁ ପୋଲିସକୁ ବଡ଼ ସଫଳତା ମିଳିଛି । 4 ଅଭିଯୁକ୍ତଙ୍କୁ ଏନକାଉଣ୍ଟର ପରେ ଏବେ ବିଭିନ୍ନ ମହଲରୁ ତେଲାଙ୍ଗାନା ପୋଲିସକୁ ପ୍ରଂଶସା କରାଯାଉଛି । ଏହି ଉପଲକ୍ଷେ ରାଜଧାନୀ ଭୁବନେଶ୍ବରରେ ଟ୍ରାନ୍ସଜେଣ୍ଡର ସଙ୍ଘ ରାଜରାସ୍ତାରେ ପୋଲିସର ବାଃ ବାଃ କରୁଥିବା ଦେଖିବାକୁ ମିଳିଛି ।

ଭୁବନେଶ୍ବର ମାଷ୍ଟର କ୍ୟାଣ୍ଟିନରେ ଟ୍ରାନ୍ସ ଜେଣ୍ଡର ସଙ୍ଘ ଏକ ହୋଇ ପୋଲିସର ଏହି ଏନକାଉଣ୍ଟରକୁ ଅଭିନନ୍ଦନ ଜଣାଇଛନ୍ତି । ପୂର୍ବରୁ ଛାତ୍ରଛାତ୍ରୀଙ୍କ ଠାରୁ ଆରମ୍ଭ କରି ବହୁ ରାଜନେତାମାନେ ମଧ୍ୟ ତେଲାଙ୍ଗାନା ପୋଲିସର ସଫଳତାକୁ ଭୁରି ଭୁରି ପ୍ରଶଂସା କରିଥିବା ଦେଖିବାକୁ ମିଳିଛି ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ