ଟ୍ରାଫିକ ପୋଲିସଙ୍କ ମହାନତା, ଦୁର୍ଘଟଣାରେ ଆହତ ବୃ୍ଦ୍ଧଙ୍କ କଲେ ଚିକିତ୍ସା

ଟ୍ରାଫିକ ପୋଲିସଙ୍କ ମହାନତାର ଅନେକ ଉଦାହରଣ ପୂର୍ବରୁ ଆମକୁ ଦେଖିବାକୁ ମିଳିଛି । ପୁଣି ଥରେ ଏପରି ଏକ ଦୃଶ୍ୟ ଭୁବନେଶ୍ବରର ପାୱାର ହାଉସ ଛକ ନିକଟରେ ମଙ୍ଗଳବାର ଦେଖିବାକୁ ମିଳିଛି । ଅଧିକ ପଢନ୍ତୁ...

ଭୁବନେଶ୍ବର: ଟ୍ରାଫିକ ପୋଲିସଙ୍କ ମହାନତାର ଅନେକ ଉଦାହରଣ ପୂର୍ବରୁ ଆମକୁ ଦେଖିବାକୁ ମିଳିଛି । ପୁଣି ଥରେ ଏପରି ଏକ ଦୃଶ୍ୟ ଭୁବନେଶ୍ବରର ପାୱାର ହାଉସ ଛକ ନିକଟରେ ମଙ୍ଗଳବାର ଦେଖିବାକୁ ମିଳିଛି । ଦୁର୍ଘଟଣାରେ ଆହତ ହୋଇଥିବା ଜଣେ ବୃଦ୍ଧଙ୍କ ପ୍ରାଥମିକ ଉପଚାର କରିଛନ୍ତି ଜଣେ ମହିଳା ଟ୍ରାଫିକ୍ ପୋଲିସ ।

ମଙ୍ଗଳବାର ଦିନ 10 ଟା 30 ମିନିଟରେ ପ୍ରମିଳା ପ୍ରଧାନ ନାମକ ଜଣେ ଟ୍ରାଫିକ ପୋଲିସ ଆହତଙ୍କ ଚିକିତ୍ସା କରିଥିଲେ । ପାୱାର ହାଉସ ଛକ ନିକଟରେ ବୃଦ୍ଧ ଜଣକ ଅସାବଧାନତା ହେତୁ ଗାଡିରୁ ପଡି ଯାଇଥିଲେ । ଏହାପରେ ପ୍ରମିଳା ପ୍ରଧାନ ତାଙ୍କୁ ଉଦ୍ଧାର କରି ପ୍ରାଥମିକ ଉପଚାର କରିଥିଲେ । ତେବେ ବର୍ତ୍ତମାନ ତାଙ୍କର ଏହି ମହାନତା ଟ୍ବିଟରରେ ଭାଇରାଲ ହୋଇଛି । ଅନ୍ୟପକ୍ଷେ ପୋଲିସ କମିଶନର ସୁଧାଂଶୁ ଷଡଙ୍ଗୀ ଏହାକୁ ସେୟାର କରିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ