ନାଟକ ମାଧ୍ୟମରେ ଟ୍ରାଫିକ ସଚେତନତା ବାର୍ତ୍ତା

32 ତମ ସଡକ ସୁରକ୍ଷା ସପ୍ତାହ ଅବସରରେ ଆଜି ଏ.ଜି ଛକ ଟ୍ରାଫିକ ଥାନା ନିକଟରେ ନିର୍ଭୟ ସୂଚନା ପକ୍ଷରୁ ଲୋକଙ୍କୁ ସଚେତନ କରିବା ପାଇଁ ଏକ ନାଟକ ପରିବେଷଣ କରାଯାଇଛି । ଅଧିକ ପଢନ୍ତୁ...

ଭୁବନେଶ୍ବର: ରାସ୍ତା ଦୁର୍ଘଟଣା ଜନିତ ମୃତ୍ୟୁ ସଂଖ୍ୟା ଅନ୍ୟ ଦେଶ ତୁଳନାରେ ଆମ ଦେଶରେ ବହୁତ ଅଧିକ । ଏହି ଦୁର୍ଘଟଣା ମଧ୍ୟ ଆମ ରାଜ୍ୟରେ ମଧ୍ୟ କିଛି କମ ସଂଖ୍ୟାରେ ହେଉନାହିଁ । ସଡକ ଦୁର୍ଘଟଣାର ଅନେକ ଗୁଡିଏ କାରଣ ରହିଛି । ହେଲେ ମୁଖ୍ୟତଃ ବିନା ହେଲମେଟ, ମଦ ପିଇ ଗାଡି ଚଳାଇବା ଏବଂ ଅଧିକ ବେଗରେ ଗାଡି ଚାଳନା ଦ୍ବାରା ଏହା ଘଟିଥାଏ । ତେଣୁ ଲୋକମାନଙ୍କୁ ସଚେତନ କରିବା ଉଦ୍ଦେଶ୍ୟରେ ଜାନୁୟାରୀ 18ରୁ ଫେବୃୟାରୀ 17 ତାରିଖ ପର୍ଯ୍ୟନ୍ତ ପାଳନ କରାଯାଉଛି ସଡକ ସୁରକ୍ଷା ମାସ ।

ଏହି 32 ତମ ସଡକ ସୁରକ୍ଷା ସପ୍ତାହ ଅବସରରେ ଆଜି ଏ.ଜି ଛକ ଟ୍ରାଫିକ ଥାନା ନିକଟରେ ନିର୍ଭୟ ସୂଚନା ପକ୍ଷରୁ ଲୋକଙ୍କୁ ସଚେତନ କରିବା ପାଇଁ ଏକ ନାଟକ ପରିବେଷଣ କରାଯାଇଛି । ନାଟକ ମାଧ୍ୟମରେ କଳାକାରମାନେ ବିଭିନ୍ନ ପ୍ରକାର ଟ୍ରାଫିକ କଟକଣା ମାନିବା ସହ ସୁରକ୍ଷିତ ଗାଡି ଚଳାଇବାକୁ ବାର୍ତ୍ତା ଦେଇଛନ୍ତି । ଏହି ଅବସରରେ ଟ୍ରାଫିକ କର୍ମଚାରୀଙ୍କ ସମେତ କଳାକାର ଓ ଅନ୍ୟାନ୍ୟ ଅତିଥୀମାନେ ଯୋଗ ଦେଇଥିଲେ ।

ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ