ଆଜିଠୁ ସାମ୍ବାଦିକଙ୍କୁ ଟିକା, ବିଏମସି କରିଛି ସ୍ବତନ୍ତ୍ର ବ୍ୟବସ୍ଥା

ସାମ୍ବାଦିକଙ୍କୁ ମିଳିବ ଦ୍ବିତୀୟ ଡୋଜ ଟୀକା । ରାଜ୍ୟ ସରକାର କାର୍ଯ୍ୟରତ ସାମ୍ବାଦିକଙ୍କୁ ଗୋପବନ୍ଧୁ ସ୍ବାସ୍ଥ୍ୟବୀମା କାର୍ଡ଼ଧାରୀ ସାମ୍ବାଦିକ ମାନଙ୍କୁ ଦ୍ବିତୀୟ ଡୋଜ କୋଭିଡ ଟିକା ଦିଆଯିବ। ଅଧିକ ପଢନ୍ତୁ...

ଭୁବନେଶ୍ବର: ସାମ୍ବାଦିକଙ୍କୁ ମିଳିବ ଦ୍ବିତୀୟ ଡୋଜ ଟିକା । ଶନିବାର ଅପରାହ୍ନ 3 ଘଟିକାରୁ ସନ୍ଧ୍ୟା 6 ଘଟିକା ପର୍ଯ୍ୟନ୍ତ ରାଜ୍ୟ ସରକାର କାର୍ଯ୍ୟରତ ସାମ୍ବାଦିକଙ୍କୁ ଗୋପବନ୍ଧୁ ସ୍ବାସ୍ଥ୍ୟବୀମା କାର୍ଡ଼ଧାରୀ ସାମ୍ବାଦିକ ମାନଙ୍କୁ 2ୟ ଡୋଜ କୋଭିଡ ଟିକା ଦିଆଯିବ ।

ବିଏମସି ସୂତ୍ରରୁ ମିଳିଥିବା ସୂଚନା ଅନୁସାରେ ଆଇଆରସି ଭିଲେଜ ନୟାପଲ୍ଲୀ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ଠାରେ ଏହି 2ୟ ଡୋଜ ଟିକା ପ୍ରଦାନ କରାଯିବ। ୨୫୦ ଜଣ ସାମ୍ବାଦିକଙ୍କୁ ମିଳିବ ସେକେଣ୍ଡ ଡୋଜ ଟିକା । ଯେଉଁ ସାମ୍ବାଦିକ ପୂର୍ବରୁ ଅନୁଷ୍ଠିତ ସ୍ବତନ୍ତ୍ର ଟୀକାକରଣ କାର୍ଯ୍ୟକ୍ରମରେ 1 ପ୍ରଥମ ଡୋଜ ଟିକା ନେଇଛନ୍ତି ସେମାନଙ୍କୁ ଏହି ଠାରେ 2ୟ ଡୋଜ ଟିକା ପ୍ରଦାନ କରାଯିବ। ଏହି କାର୍ଯ୍ୟକ୍ରମ ଆସନ୍ତା ସୋମବାର(୭ତାରିଖ) ଓ ମଙ୍ଗଳବାର(୮ ତାରିଖ) ସକାଳ ୯ଟା ୩୦ମିନିଟ ଠାରୁ ଦିନ ଗୋଟାଏ ଓ ଅପରାହ୍ଣ 3ଟାରୁ 6ଟା ପର୍ଯ୍ୟନ୍ତ ଟୀକାକରଣ ଚାଲୁ ରହିବ। ଏଣୁ ନିର୍ଧାରିତ ସ୍ଥାନ ଓ ସମୟରେ ଉପସ୍ଥିତ ରହି ଟିକା ନେବାକୁ ଅନୁରୋଧ କରିଛନ୍ତି। ଟିକା ନେବାକୁ ଥିବା ସାମ୍ବାଦିକମାନଙ୍କ ତାଲିକା ବିଏମସି ପକ୍ଷରୁ ପ୍ରସ୍ତୁତ କରାଯାଇଛି।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ