ଭୁବନେଶ୍ବର:ନନ୍ଦନକାନନକୁ ଆସିବେ 8 ନୂଆ ବନ୍ୟପ୍ରାଣୀ। ଏନେଇ ଦେଶର ସମସ୍ତ ଚିଡିଆଖାନା ସହ ଆଲୋଚନା ହୋଇଛି। ଆସନ୍ତାକାଲି ସୁଦ୍ଧା ଏହି ଜୀବଜନ୍ତୁ ଆସିବା ନେଇ ସୂଚନା ଦିଆଯାଇଛି।
ପୂଜାରେ ପର୍ଯ୍ୟଟକଙ୍କୁ ନୂଆ ଭେଟି, ନନ୍ଦନକାନନକୁ ଆସିବ 8 ନୂଆ ଅତିଥି
ନନ୍ଦନକାନନକୁ ଆସିବେ 8 ନୂଆ ଅତିଥି। ଏନେଇ ଦେଶର ସମସ୍ତ ଚିଡିଆଖାନା ସହ ଆଲୋଚନା ହୋଇଛି। ଜୟପୁର ଚିଡିଆଖାନାରୁ 8 ଟି ପ୍ରାଣୀ ଆସିବେ। ସେଥି ମଧ୍ୟରୁ 2 ଟି କଲରାପତରିଆ ବାଘ, 2 ଟି ପୁରୁଷ କୁମ୍ଭୀର, 2 ଟି ପେଚା, 2 ଟି ଚିଙ୍କାର ପକ୍ଷୀ ଆଦି ଆସିବ ବୋଲି ଯୋଜନା ରହିଛି। ଏହି ସମସ୍ତ ବନ୍ୟଜନ୍ତୁ ଆଜି କାଲି ମଧ୍ୟରେ ନନ୍ଦନକାନନରେ ଆସି ପହଞ୍ଚିବେ। ସମସ୍ତଙ୍କୁ 14 ଦିନ ସଂଗରୋଧରେ ରଖାଯିବ । ଏହା ପରେ ପର୍ଯ୍ୟଟକମାନେ ସେମାନଙ୍କୁ ଦେଖିପାରିବେ। 10 ଓ 11 ତାରିଖରେ ଏକ ଗୁରୁତ୍ବପୂର୍ଣ୍ଣ ବୈଠକ ହେବାକୁ ଯାଉଛି। ଯେଉଁଠିକି ଚିଡ଼ିଆଖାନାର ଅଧିକାରୀ ଏବଂ ଅନ୍ୟ ବନ୍ୟପ୍ରାଣୀ ବିଭାଗର ଅଧିକାରୀମାନେ ବୈଠକରେ ଯୋଗଦେବେ।