ଭୁବନେଶ୍ବର: ଆଜି ଶୀତଳ ଷଷ୍ଠୀ । ବିନା ଜାକଜମକରେ ହେବ ଲିଙ୍ଗରାଜଙ୍କ ବାହାଘର । ପବିତ୍ର ଶୀତଳ ଷଷ୍ଠୀରେ ଲିଙ୍ଗରାଜ ମହାପ୍ରଭୁଙ୍କ ବିବାହ ଅନୁଷ୍ଠିତ ହେବ । ହେଲେ ବିନା ବରଯାତ୍ରୀରେ, ବାଜା ରୋଷଣୀରେ ବିବାହ ପାଇଁ କେଦାର ଗୌରୀ ମନ୍ଦିରକୁ ବିଜେ କରିବେ ପ୍ରଭୁ ଲିଙ୍ଗରାଜ । ରାତି ୧୧ଟା ରେ ସୀମିତ ପାଳିଆ ଓ ସେବାୟତଙ୍କ ସହ ପ୍ରଭୁ ଲିଙ୍ଗରାଜ କେଦାର ଗୌରୀ ମନ୍ଦିରକୁ ବିଜେ କରିବେ ।
ବିନା ବରାଯାତ୍ରୀରେ ହେବ ପ୍ରଭୁ ଲିଙ୍ଗରାଜଙ୍କ ବାହାଘର
ରାତି ୧୧ଟାରୁ ଦେବ ବିବାହ ଆରମ୍ଭ ହେବ । ପ୍ରାୟ ଭୋର ୪ଟାରେ ବିବାହ ସରିବାର କାର୍ଯ୍ୟକ୍ରମ ରହିଛି । କୋରୋନା ମହାମାରୀ ଲକଡାଉନ କାରଣରୁ ଏଭଳି ନିଷ୍ପତ୍ତି ନେଇଛି ମନ୍ଦିର ପ୍ରଶାସନ । ବୁଧବାର, ପବିତ୍ର ଶୀତଳ ଷଷ୍ଠୀ ଅବସରରେ ମହାପ୍ରଭୁ ଲିଙ୍ଗରାଜଙ୍କ ଦେବ ବିବାହ ନିରାଡ଼ମ୍ବର ସହ ଅନୁଷ୍ଠିତ ହେବ । ୨୦ ଜଣ ପାଳିଆ ସେବାୟତଙ୍କ ସହ କେଦାର ଗୌରୀ ମନ୍ଦିରକୁ ବିଜେ କରିବେ ଲିଙ୍ଗରାଜ ମହାପ୍ରଭୁ ।