ଅନୁଗୋଳ: ଆନ୍ତରାଜ୍ୟ ବ୍ୟାଘ୍ର ପ୍ରକଳ୍ପକୁ ଶକ୍ତ ଧକ୍କା । ଦେଶରେ ପ୍ରଥମଥର ଗୋଟିଏ ଅଭୟାରଣ୍ୟ ରୁ ଆଉ ଗୋଟିଏ ଅଭୟାରଣ୍ୟକୁ ଯେଉଁ ବାଘ ସ୍ଥାନାନ୍ତର ହୋଇଥିଲେ ଆଜି ସେଥିରେ ରୋକ ଲାଗିଛି ।
ବାଘବଂଶ ବୃଦ୍ଧିକୁ ଶକ୍ତ ଧକ୍କା ମଧ୍ୟପ୍ରଦେଶର ବାନ୍ଧବ ଗଡ ଅଭୟାରଣ୍ୟରୁ ଯେଉଁ ବାଘୁଣୀ ଅନୁଗୋଳ ସାତକୋଶିଆ ଅଭୟାରଣ୍ୟକୁ ଅଣାଯାଇଥିଲା ତାକୁ ଶେଷରେ ଫେରାଇ ନେବାକୁ ରାଜ୍ୟ ସରକାରଙ୍କୁ ଚିଠି ଲେଖିଛି ଜାତୀୟ ବ୍ୟାଘ୍ର ସଂରକ୍ଷଣ ସଂସ୍ଥାନ ବା ଏନଟିସିଏ । ପ୍ରଥମେ ସାତକୋଶିଆକୁ କାହ୍ନା ଅଭୟାରଣ୍ୟରୁ ଏକ ବାଘ ଓ ପରେ ବାନ୍ଧବଗଡରୁ ବାଘୁଣୀ ଅଣା ଯାଇଥିଲା । ଫାସରେ ପଡି ବାଘର ମୃତ୍ୟୁ ହୋଇଥିବା ବେଳେ ବାଘୁଣୀ ନାଁ ରେ ଦୁଇ ଦୁଇଟି ମଣିଷ ମରା ଅଭିଯୋଗ ଆସିବା ପରେ ତାକୁ ଏବେ ସାତକୋଶିଆ ଏନକ୍ଲୋଜରେ ରଖାଯାଇଛି । ଏନଟିସିଏର ଡେପୁଟି ଇନ୍ସିପେକ୍ଟର ଜେନେରାଲ (DIG NTCA ) ରାଜ୍ୟ ଜଙ୍ଗଲ ପରିବେଶ ବିଭାଗକୁ କରିଥିବା ଚିଠି ଅନୁସାରେ ରାଜ୍ୟ ସରକାର ଓ ବନ ବିଭାଗ ଏନଟିସିଏର ଗାଇଡ ଲାଇନ ପାଳନ କରିଆରେ ବିଫଳ ହୋଇଛନ୍ତି ।
ବାଘବଂଶ ବୃଦ୍ଧିକୁ ଶକ୍ତ ଧକ୍କା ନିୟମ ଉଲ୍ଲଂଘନ କରି ବାଘୁଣୀ ସୁନ୍ଦରୀକୁ ଛୋଟ ଏନକ୍ଲୋଜରରେ ରଖାଯାଇଛି । ବାଘୁଣୀ ରାଇଗଡା ଠାରେ ରହୁଥିବା ଏନକ୍ଲୋଜରକୁ ଦୁଇ ଏକର ରୁ 25 ଏକର କୁ ସମ୍ପ୍ରସାରଣ କରାଯିବା ପାଇଁ ପ୍ରସ୍ତାବ ରହିଥିବା ସତ୍ବେ ଆଜିଯାଏ ତାକୁ ସଂପ୍ରସାରଣ କରାଯାଇ ପାରିଲା ନାହିଁ । ଏହା ସହ ବାହାର ରାଜ୍ୟରୁ ଆସିଥିବା ଉଭୟ ବାଘ ଓ ବାଘୁଣୀକୁ ଉପରେ ସଠିକ ନଜର ରଖା ଯାଇ ନଥିଲା କି ଉଭୟଙ୍କ ପାଇଁ ସଠିକ ବ୍ୟବସ୍ଥା ମଧ୍ୟ କରା ଯାଇ ନଥିଲା । ଏଥିପାଇଁ ଏନଟିସିଏ ବାଘୁଣୀ ସୁନ୍ଦରୀକୁ ମଧ୍ୟପ୍ରଦେଶ ବାନ୍ଧବଗଡକୁ ଫେରାଇ ନେବ ବୋଲି ରାଜ୍ୟ ସରକାରଙ୍କୁ ଚିଠି ଲେଖି ଜଣାଇଛି ।
ସୂଚନାଯୋଗ୍ୟ ଯେ, ସାତକୋଶିଆରେ ବାଘ ବଂଶ ବୃଦ୍ଧି ପାଇଁ 2017 ରେ ଏନଟିସିଏର ମଞ୍ଜୁରୀ ପରେ ମଧ୍ୟପ୍ରଦେଶରୁ ବାଘ କାହ୍ନା ଓ ବାନ୍ଧବଗଡ ବ୍ୟାଘ୍ର ପ୍ରକଳ୍ପ ରୁ ଗୋଟିଏ ବାଘୁଣୀ ସୁନ୍ଦରୀକୁ ଅଣାଯାଇଥିଲା । ଉଭୟଙ୍କୁ ଏନକ୍ଲୋଜରରେ କିଛିଦିନ ରଖିବା ପରେ ସାତକୋଶିଆ ଅଭୟାରଣ୍ୟ ରେ ଛଡାଯାଇଥିଲା । କିନ୍ତୁ 2018 ନଭେମ୍ବର 14 ରେ ଶିକାରୀ ଜାଲରେ ପଡି ବାଘ କାହ୍ନାର ମୃତ୍ୟୁ ହୋଇଥିଲା । ଏହାସହ ଦୁଇ ଦୁଇଟି ମଣିଷ ମାରିବା ଅଭିଯୋଗ ପରେ ବାଘୁଣୀ କୁ 2018 ନଭେମ୍ବର 7 ତାରିଖରୁ ସାତକୋଶିଆ ଏନକ୍ଲୋଜରରେ ବନ୍ଦୀ ଭାବେ ରଖାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
