ଭୁବନେଶ୍ୱର: ଗୁରୁ ପଙ୍କଜଙ୍କ ଉତ୍ସବର ତୃତୀୟ ସନ୍ଧ୍ୟାରେ ଶ୍ରୀକୃଷ୍ଣଙ୍କ ପ୍ରିୟ ଶ୍ରୀରାଧା ଏବଂ ଅହଲ୍ୟାଙ୍କ ବିଭିନ୍ନ ଭାବକୁ ବେଶ ରୁଚି ପୂର୍ଣ୍ଣ ଭାବେ ପରିବେଷଣ କରିଛନ୍ତି ଶିଳ୍ପୀଗଣ । ରବିନ୍ଦ୍ରପଣ୍ଡପରେ ଏହାକୁ ଦେଖିବା ପାଇଁ ଲୋକଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଥିଲା ।
ପ୍ରଖ୍ୟାତ ଓଡିଶୀ ନୃତ୍ୟଶିଳ୍ପୀ ସୁଜାତା ମହାପାତ୍ର ଗୁରୁବନ୍ଦନାରୁ ସାନ୍ଧ୍ୟ ଅଧିବେଶନର ଶୁଭାରମ୍ଭ କରିଥିଲେ । ପରେ ପରେ ଗୀତଗୋବିନ୍ଦର ଅଷ୍ଟପଦି 'ସଖୀ ହେ କେସି ମଦନ ମୁଦରଂ'କୁ ଖୁବ ନିଖୁଣ ଭାବେ ଉପସ୍ଥାପନ କରିଥିଲେ । ଏହାପରେ ଶର୍ମିଳା ବିଶ୍ବାସ କୃଷ୍ଣଙ୍କ ପ୍ରତି ବାତ୍ସଲ୍ୟ ରସ ଓ ଲିନା ମହାନ୍ତି ଶ୍ରାରାଧାଙ୍କ ଅଭିମାନକୁ ଅତି ସୁନ୍ଦର ଭାବରେ ପରିବେଷଣ କରିଥିଲେ ।