ଭୁବନେଶ୍ବର: ରାଜଧାନୀରେ ଦିନ ଦ୍ଵିପ୍ରହରରେ ହତ୍ୟାକାଣ୍ଡକୁ ନେଇ ପ୍ରତିକ୍ରିୟା ରଖିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ସେ କହିଛନ୍ତି ଏହା ନୂଆ କଥା ନୁହେଁ । ରାଜ୍ୟରେ ଆଇନଶୃଙ୍ଖଳା ବୋଲି କିଛି ନାହିଁ । ସେଥିପାଇଁ ଅପରାଧ ବଢି ବଢି ଚାଲିଛି ।
ଆଇନ ଶୃଙ୍ଖଳା ବିପର୍ଯ୍ୟସ୍ତ ପାଇଁ ବିଜେଡିକୁ ଦାୟୀକଲେ ବିରୋଧୀ
ସେହିପରି ରାଜ୍ୟରେ ସରକାର କେବଳ ପ୍ରଚାର ସର୍ବସ୍ବରେ ଚାଲିଛି ବୋଲି ନିରଞ୍ଜନ କହିଛନ୍ତି । ଅପରାଧୀଙ୍କ ବିରୁଦ୍ଧରେ କୈଣସି କାର୍ଯ୍ଯାନୁଷ୍ଠାନ ଗ୍ରହଣ କରାଯାଉ ନାହିଁ । କେବଳ ରାଜଧାନୀ ନୁହେଁ ସାରା ଓଡ଼ିଶାରେ ଏଭଳି ଘଟଣା ଦେଖିବାକୁ ମିଳିଛୁ ବୋଲି ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି । ସୂଚନା ଅନୁସାରେ ଆଜି(ଶନିବାର) ଭୁବନେଶ୍ବର ସ୍ଥିତ ସିଆରପି ଛକରେ ଜଣେ ବ୍ୟକ୍ତିଙ୍କୁ ଗୋଡ଼ାଇ ଗୋଡ଼ାଇ ହତ୍ୟା କରିଛନ୍ତି ଦୁର୍ବୃତ୍ତ । ଯାହାକୁ ନେଇ ରାଜ୍ୟସରକାରଙ୍କୁ ଟାର୍ଗେଟ କରିଛନ୍ତି ପିସିସି ସଭାପତି ।