କେବେ ମିଳିବ ସପ୍ତମ ବେତନ କମିଶନ ବକେୟା ? ସରକାର କହିଲେ ନିଷ୍ପତ୍ତି ହୋଇନି

କେବେ ମିଳିବ ସପ୍ତମ ବେତନ କମିଶନ ବକେୟା । ତାକୁ ଅପେକ୍ଷା କରିଛନ୍ତି ହଜାର ହଜାର କର୍ମଚାରୀ । ହେଲେ ସରକାର କହୁଛନ୍ତି ନିଷ୍ପତ୍ତି ହୋଇନି ।

ଭୁବନେଶ୍ବର: ସପ୍ତମ ବେତନ କମିଶନ ବକେୟା ଅର୍ଥ କେବେ ମିଳିବ ? ତାକୁ ଅପେକ୍ଷା କରିଛନ୍ତି ହଜାର ହଜାର କର୍ମଚାରୀ । ହେଲେ ରାଜ୍ୟ ସରକାର ଏନେଇ କିଛି ସ୍ପଷ୍ଟ କରୁ ନାହାନ୍ତି । କେବେ ମିଳିବ ସେନେଇ ଅର୍ଥ ବିଭାଗ ପାଖରେ ଉତ୍ତର ନାହିଁ ।

କର୍ମଚାରୀ 40 ପ୍ରତିଶତ ଅର୍ଥ ପାଇଥିବାବେଳେ 60 ପ୍ରତିଶତ ନେଇ ସ୍ପଷ୍ଟ କରୁନାହାଁନ୍ତି ସରକାର । ଆଜି(ବୁଧବାର) ଏନେଇ ସାମ୍ବାଦିକଙ୍କ ପ୍ରଶ୍ନରେ କୌଣସି ସନ୍ତୋଷଜନକ ଉତ୍ତର ଦେଇପାରିନଥିଲେ ବିଭାଗୀୟ ସଚିବ ଅଶୋକ ମୀନା ।

ତେବେ ଅତିରିକ୍ତ ବଜେଟରେ ଏନେଇ କୌଣସି ବ୍ୟବସ୍ଥା ନଥିବାବେଳେ ସରକାର ଏଯାଏ ଏଥିପ୍ରତି କୌଣସି ନିଷ୍ପତ୍ତି ନେଇ ନାହାଁନ୍ତି ବୋଲି ଜଣାପଡିଛି ।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ