ଭୁବନେଶ୍ବର : ଏନଡିଏ ନିଜର ରାଷ୍ଟ୍ରପତି ପ୍ରାର୍ଥୀ ଘୋଷଣା କରିଛି । ବିଜେପି ନେତୃତ୍ୱାଧୀନ ଏନଡିଏ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ ଘୋଷଣା କରିଛି । ଓଡିଶା ବିଜେପିର ଆଦିବାସୀ ଚେହେରା ତଥା ଝାଡଖଣ୍ଡର ପୂର୍ବତନ ରାଜ୍ୟପାଳ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ ଘୋଷଣା ପରେ ସବୁଠି ଉତ୍ସବର ମାହୋଲ ଦେଖିବାକୁ ମିଳିଛି।
ରାଷ୍ଟ୍ରପତି ନିର୍ବାଚନ ଏକ ନିର୍ଣ୍ଣାୟକ ଲଢେଇ ହେବ: କଂଗ୍ରେସ ନେତା ପଞ୍ଚାନନ କାନୁନଗୋ
ବିଜେପି ଦଳ ପକ୍ଷରୁ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ ଭାବରେ ଘୋଷଣା ହେବା ପରେ କଂଗ୍ରେସ ନେତା ପଞ୍ଚାନନ କାନୁନଗୋ ଗଣମାଧ୍ୟମରେ ପ୍ରତିକ୍ରିୟା ରଖିଥିଲେ । ସେ କହିଥିଲେ ଓଡ଼ିଆ ଭାବରେ ମୁଁ ଅତ୍ୟନ୍ତ ଖୁସି । କିନ୍ତୁ ଏହି ନିର୍ବାଚନକୁ ନେଇ ଜୋରଦାର ଲଢେଇ ହେବାର ସମ୍ଭାବନା ରହିଛି । କାରଣ ବିପକ୍ଷ ଦଳର ପ୍ରାର୍ଥୀ ଯଶୱନ୍ତ ସିହ୍ନା ବିହାରର ହୋଇଥିବା ବେଳେ ସେପଟ ଭୋଟ ଗୁଡିକ ବିରୋଧୀଙ୍କୁ ଯିବାର ସମ୍ଭାବନା ରହିଛି ।