ଭୁବନେଶ୍ବର: ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିଲା ଭାରତୀୟ ହକି ଦଳ । ଉଭୟ ମହିଳା ଓ ପୁରୁଷ ହକି ଦଳ ଆଜି(ମଙ୍ଗଳବାର) ଦିନ ୧୧ଟା ରେ ଭୁବନେଶ୍ବରରେ ପହଞ୍ଚିଛି । ଏଠାରୁ ଖେଳାଳିଙ୍କୁ ସ୍ବାଗତ କରାଯିବା ପରେ କଡା ସୁରକ୍ଷା ବଳୟ ମଧ୍ୟରେ ସାଣ୍ଡି ଟାୱାର ହୋଟେଲ ଅଭିମୁଖେ ଯାତ୍ରା କରିଛନ୍ତି ।
ଖେଳାଳୀଙ୍କ ସ୍ବାଗତ ପାଇଁ କଳିଙ୍ଗ ଷ୍ଟାଡିୟମ ଠାରୁ ନେଇ ରାଜଧାନୀର ରାସ୍ତାଘାଟ ସଜେଇ ହୋଇଛି । ଅପରାହ୍ନ ୩ଟାରେ ଭଭୟ ଦଳର ଖେଳାଳୀ ସାମ୍ବାଦିକ ସମ୍ମିଳନୀରେ ସାମିଲ ହେବେ । ଏହାପରେ କଳିଙ୍ଗ ଷ୍ଟାଡିୟମ ଯିବେ । ସନ୍ଧ୍ୟା ୬ଟା ୩୦ରେ ଲୋକସଭା ଭବନରେ ମୁଖ୍ୟମନ୍ତ୍ରୀ ଉଭୟ ପୁରୁଷ ଓ ମହିଳା କ୍ରୀ଼ଡାବିତଙ୍କୁ ସମ୍ବର୍ଦ୍ଧିତ କରିବେ । ଟୋକିଓ ଅଲିମ୍ପିକ୍ସରେ ଭାରତୀୟ ପୁରୁଷ ହକି ଦୀର୍ଘ ୪୧ ବର୍ଷ ପରେ ବ୍ରୋଞ୍ଚ ପଦକ ଜିତି ଇତିହାସ ରଚିଛି । ମହିଳା ଦଳ ପଦକ ଜିତିନାହିଁ ସତ ଶ୍ରେଷ୍ଠ ପ୍ରଦର୍ଶନ କରି ସମସ୍ତଙ୍କ ହୃଦୟ ଜିତି ଚତୁର୍ଥ ସ୍ଥାନରେ ରହିଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
