ଭୁବନେଶ୍ବର:ମୃତ ମାନିନୀଙ୍କ ହତ୍ୟାକାରୀଙ୍କୁ ଦଣ୍ଡ ମିଳିବା ନେଇ ଆରମ୍ଭ ହୋଇଛି କଳ୍ପନା ଜଳ୍ପନା । ମୟୂରଭଞ୍ଜ ଜିଲ୍ଲା କରଞ୍ଜିଆ ବ୍ଲକ ଅଧିନ ହାତିବାରୀର ଗାଁସାଥି ମାନିନୀ ନାୟକଙ୍କ ହତ୍ୟାକାରୀକୁ ଦଣ୍ଡ ମିଳିବା ନେଇ ଦାବି କରିଛି ସଂଘ । ମୃତ ଗାଁ ସାଥି ମାନିନୀଙ୍କୁ ନ୍ୟାୟ ମିଳିବା ନେଇ ସ୍ଵର ଉଠାଇଲେ ଗାଁସାଥି ସଂଘ ମିଳିତ କ୍ରିୟାନୁଷ୍ଠାନ କମିଟି । ଆଉ ଏନେଇ ମଧ୍ୟ ଭୁବନେଶ୍ବରରେ ଏକ ସାମ୍ବାଦିକ ସମ୍ମିଳନୀ କରି ଏସଆଇଟି ଓ କ୍ରାଇମବ୍ରାଞ୍ଚ ତଦନ୍ତ ଦାବି କରିଛି ସଂଘ ।
ମୃତ ମାନିନୀଙ୍କ ହତ୍ୟାକରୀଙ୍କୁ ଦଣ୍ଡ ମିଳିବା ନେଇ ଅଭିଯୋଗ କରିଛି ସଙ୍ଘ
ତେବେ ମାନିନୀ ଗାଁସାଥି ଭାବେ ନିଜ ଗାଁର ଏକ ସାହିକୁ ଜୁଲାଇ ୧୯ରେ ସର୍ଭେ ପାଇଁ ଯାଇଥିଲେ । ଆଉ ରାତି ହୋଇଥିଲେ ମଧ୍ୟ ଘରକୁ ଫେରିନଥିଲେ । ପରିବାର ପକ୍ଷରୁ ଅନେକ ଖୋଜାଖୋଜି କରିବା ପରେ ବି ତାଙ୍କର ପତ୍ତା ମିଳିପାରି ନଥିଲା । ହେଲେ ନିଖୋଜ ହେବାର ୩ ଦିନପରେ ଘର ଠାରୁ କିଛି ଦୂରରେ ତାଙ୍କ ମୃତଦେହ ଉଦ୍ଧାର କରିଥିଲା ପୋଲିସ ।