ଭୁବନେଶ୍ବର: ଭାରତୀୟ ଜନତା ପାର୍ଟିର ବରିଷ୍ଠ ନେତା ପୂର୍ବତନ ମାହାଙ୍ଗା ବ୍ଲକ ଅଧ୍ୟକ୍ଷ କୁଳମଣି ବରାଳଙ୍କ ସହ ତାଙ୍କ ସହଯୋଗୀଙ୍କୁ ନିର୍ମମ ହତ୍ୟା ଏକ ପ୍ରତିଶୋଧ ମୂଳକ ରାଜନୀତିର ପରିଚାୟକ । ବିଜେପିର ଲୋକପ୍ରିୟତା ବଢ଼ୁଥିବାରୁ ଓ ବିଜୁ ଜନତା ଦଳର ଭ୍ରଷ୍ଟାଚାର ଓ ଅପରାଧ ପ୍ରବଣତା ପଦାରେ ପଡ଼ୁଥିବାରୁ ବିରୋଧୀ ରକ୍ତମୁଖା ହୋଇ ଆମ କାର୍ଯ୍ୟକର୍ତ୍ତାଙ୍କୁ ହତ୍ୟା କରିବାକୁ ମଧ୍ୟ ପଛାଉ ନାହାଁନ୍ତି । ଏହା ବିରୁଦ୍ଧରେ ଆଜି ଭୁବନେଶ୍ୱର ଜିଲ୍ଲା ବିଜେପି ପକ୍ଷରୁ ପ୍ରତିବାଦ କରାଯାଇଛି ।
ଆମେ ଏହାର ଉଚିତ ଜବାବ ଦେବୁ ଓ ଓଡ଼ିଶାର କୋଣ ଅନୁକୋଣରେ ଏଇ ଗୁଣ୍ଡାରାଜ ବିରୁଦ୍ଧରେ ସ୍ୱର ଉତ୍ତଳନ କରିବୁ । ଗଣତନ୍ତ୍ରରେ ରାଜନୈତିକ ଗୁଣ୍ଡାରାଜର ସ୍ଥାନ ନାହିଁ । ଆଇନମନ୍ତ୍ରୀଙ୍କର ଗିରଫଦାରୀ ପ୍ରତିବାଦରେ ରାଜ୍ୟ ବିଜେପି କାର୍ଯ୍ୟାଳୟରୁ ବାହାରି ମାଷ୍ଟରକ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରିଛି ବିଜେପି । ସେଠାରେ ଏହି ହତ୍ୟାକାଣ୍ଡରେ ସମ୍ପୃକ୍ତ ମନ୍ତ୍ରୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ତାଙ୍କୁ ମନ୍ତ୍ରୀ ମଣ୍ଡଳରୁ ବହିଷ୍କାର କରାଯିବାକୁ ଦାବି କରାଯାଇଛି । ନଚେତ ଏହି ଆନ୍ଦୋଳନକୁ ବ୍ୟାପକ କରାଯିବା ସହ ଆସନ୍ତାକାଲି ପ୍ରତି ଥାନାରେ ବିଜେପି ଯୁବ ମୋର୍ଚ୍ଚା ପକ୍ଷରୁ ସରକାର ଓ ମନ୍ତ୍ରୀଙ୍କ ବିରୁଦ୍ଧରେ FIR ଦାଖଲ କରାଯିବ ବୋଲ ବିଜେପି ପକ୍ଷରୁ ପ୍ରକାଶ ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ