ଭୁବନେଶ୍ବର: ଉଚିତ ଦରରେ ବିକ୍ରି ହେବ ଓଡିଶାର ହସ୍ତତନ୍ତ ଓ ହସ୍ତଶିଳ୍ପ ସାମଗ୍ରୀ । ରାଜ୍ୟର ହସ୍ତତନ୍ତ ଓ ହସ୍ତଶିଳ୍ପର ଭୌଗଳିକ ପରିଚୟ ବା GI ମାନ୍ୟତା ବଜାଇ ରହିବା ସହ ନିଜ ସାମଗ୍ରୀର କିଭଳି ବିକ୍ରି ହୋଇପାରିବ । ଏନେଇ ଏକ ଆଲୋଚନାଚକ୍ର ହୋଇଯାଇଛି । ଏକ ଘରୋଇ ହୋଟେଲରେ ଭାରତ ସରକାରଙ୍କ ଟେକ୍ସଟାଇଲ କମିଟି ଦ୍ବାରା ଏହି ଆଲୋଚନା ହୋଇଯାଇଛି । କେନ୍ଦ୍ର ଓ ରାଜ୍ୟ ସରକାର ରାଜ୍ୟର ବୁଣାକାର, କାରିଗରଙ୍କ ରୋଜଗାର ଓ ସେମାନଙ୍କ ସାମଗ୍ରୀ ବିକ୍ରି ପାଇଁ କିଭଳି ବଜାର ମିଳିପାରିବ ସେନେଇ ପଦକ୍ଷେପ ଗ୍ରହଣ କରାଯାଇଛି ।
ଯେଉଁଥିରେ ଆଜି ଓଡ଼ିଶାର GI ମାନ୍ୟତା ପ୍ରାପ୍ତ ବିଭିନ୍ନ ଉତ୍ପାଦର ପଞ୍ଜିକରଣ କରାଯାଇଛି । ପୂର୍ବରୁ ୧୭ଟି ଉତ୍ପାଦର ପଞ୍ଜିକରଣ ହୋଇଥିବା ବେଳେ ବର୍ତ୍ତମାନ ୪ଟି କରାଯାଇଛି । ଓଡ଼ିଶାର ହସ୍ତତନ୍ତ ଓ ହସ୍ତଶିଳ୍ପର ବିଭିନ୍ନ ସାମଗ୍ରୀ ଯେପରିକି ପିପିଲି ଚାନ୍ଦୁଆ, ଖଣ୍ଡୁଆ, ସମ୍ବଲପୁରୀ ଶାଢୀ, କୋଟପାଟ ଓ ଧମକେଇ ଶାଢ଼ୀ ଭଳି ଓଡ଼ିଶାର ସ୍ବତନ୍ତ୍ରତା ବହନ କରୁଥିବା ସାମଗ୍ରୀର ଯେଭଳି ପରିଚୟ ବଜାୟ ରହିବ ସେନେଇ ଆଲୋଚନା କରାଯାଇଥିଲା । ଏ ଦିଗରେ ନିଆଯାଇଥିବା ପଦକ୍ଷେପ ମାଧ୍ୟମରେ ୩୦ରୁ ହଜାରରୁ ଉର୍ଦ୍ଧ୍ବ ବୁଣାକାର ଓ କାରିଗର ଲାଭବାନ ହେବେ ।