ଭୁବନେଶ୍ବର: ରାଜ୍ୟରେ ଖସିବ ରାତ୍ରି ତାପମାତ୍ରା । ଉତ୍ତର ପଶ୍ଚିମା ପବନ ରାଜ୍ୟ ମଧ୍ୟକୁ ପ୍ରବାହିତ ହେବା ଫଳରେ ତାପମାତ୍ରା ହ୍ରାସ ପାଇବ । ଆସନ୍ତା 24 ଘଣ୍ଟା ମଧ୍ୟରେ ଆଭ୍ୟନ୍ତରୀଣ ଓଡ଼ିଶାରେ ୪ ରୁ ୬ ଡିଗ୍ରୀ ତାପମାତ୍ରା ତଳକୁ ଖସିବ। ସେହିପରି ଉପକୂଳ ଓଡିଶାରେ ୩ ରୁ ୪ ଡିଗ୍ରୀ ଖସିବ । ଆସନ୍ତା 5 ଦିନ ଯାଏଁ ରାଜ୍ୟରେ ପାଗ ଶୁଖିଲା ରହିବ । ଏନେଇ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
ରାଜ୍ୟରେ ୪ ରୁ ୬ ଡିଗ୍ରୀ ଖସିବ ତାପମାତ୍ରା
ଆସନ୍ତା 24 ଘଣ୍ଟା ଅର୍ଥାତ ବୁଧବାର ମଧ୍ୟରେ ବାଲେଶ୍ବର, ଯାଜପୁର, କେନ୍ଦ୍ରାପଡା, ଜଗତସିଂହପୁର, ପୁରୀ, ଖୋର୍ଦ୍ଧା, କଟକ, ଢେଙ୍କାନାଳ, ଅନୁଗୋଳ, ମୟୂରଭଞ୍ଜ, ବୌଦ୍ଧ, କନ୍ଧମାଳ ଏବଂ ନୟାଗଡ଼ ଜିଲ୍ଲାରେ ସ୍ଵଳ୍ପରୁ ମଧ୍ୟମ ଧରଣର କୁହୁଡି ଦେଖା ଦେବ ।