ଭୁବନେଶ୍ବର: ଅସୁରକ୍ଷିତ ବିଧାନସଭା ହୋଇପଡ଼ିଛି ବିଧାନସଭା । ପ୍ରଥମଥର କୌଣସି ଆନ୍ଦୋଳନକାରୀ ସଙ୍ଘ ସମସ୍ତ ସୁରକ୍ଷା ଭେଦ କରି ବିଧାନସଭା ଭିତରକୁ ଧସେଇ ପଶିବାକୁ କରିଛି ଉଦ୍ୟମ । ଆଶାୟୀ ଶିକ୍ଷକ ସଂଘ ପକ୍ଷରୁ ବିଧାନସଭା ସମ୍ମୁଖରେ ଆଜି(ସୋମବାର) ଧାରଣା ଦିଆଯାଇଥିଲା । ବିକ୍ଷୋଭ ସମୟରେ ଗୃହ ମଧ୍ୟକୁ ଧସେଇ ପଶିବାକୁ ଉଦ୍ୟମ ସମୟରେ ପୋଲିସ ସେମାନଙ୍କୁ ଉଠାଇ ନେଇଛି । ଦୀର୍ଘ ଦିନ ଧରି ସେମାନଙ୍କ ଦାବି ପୂରଣ ନ ହେବା ପରେ ସଂଘ ଏପରି ଉଦ୍ୟମ କରିଥିବା ଜଣାପଡ଼ିଛି ।
ଦୀର୍ଘଦିନ ଧରି ସେମାନେ ଆନ୍ଦୋଳନ କରିଆସୁଥିଲେ । କିନ୍ତୁ ସରକାରଙ୍କ ପାଖରୁ ତାଙ୍କ ପାଖକୁ କୌଣସି ଅଧିକାରୀ ନ ଯିବାରୁ ବାଧ୍ୟ ହୋଇ ସେମାନେ ଆଜି ବିଧାନସଭା ମଧ୍ୟକୁ ପ୍ରବେଶ କରିବାକୁ ଉଦ୍ୟମ କରିଛନ୍ତି । ଏହାପରେ ଗେଟ ବନ୍ଦ କରି ଦିଆଯିବାରୁ ସେମାନେ ବିଧାନସଭା ଫାଟକ ସାମ୍ନାରେ ବିକ୍ଷୋଭ ପ୍ରଦର୍ଶନ କରିଥିବା ଦେଖିବାକୁ ମିଳିଛି ।
ବିଧାନସଭା ମଧ୍ୟକୁ ଧସେଇ ପଶିବାକୁ ଉଦ୍ୟମ: ପୋଲିସ-ଆଶାୟୀ ଶିକ୍ଷକ ଧସ୍ତାଧସ୍ତି