ଭୁବନେଶ୍ବର: କୋରୋନା ପାଇଁ ଦେଶରେ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିଛି । ଏପରିକି ଅନେକ ଅନୁଷ୍ଠାନ ପକ୍ଷରୁ ହେବାକୁ ଥିବା ବାର୍ଷିକ ପରୀକ୍ଷାକୁ ମଧ୍ୟ ବାତିଲ କରାଯାଇଛି । ସେହିପରି କେତେ ଶିକ୍ଷାନୁଷ୍ଠାନରେ ବିଭିନ୍ନ ସତର୍କତା ଅବଲମ୍ବନ ପୂର୍ବକ ଏହାର ଆୟୋଜନ ନେଇ ବ୍ୟବସ୍ଥା କରାଯାଉଛି । ଏମିତି ସ୍ଥିତିରେ ବିଜୁ ପଟ୍ଟନାୟକ ବୈଷୟିକ ବିଶ୍ବବିଦ୍ୟାଳୟ ପକ୍ଷରୁ ଛାତ୍ରଛାତ୍ରୀମାନଙ୍କ ପାଇଁ ଶେଷ ବା ଫାଇନାଲ ସେମିଷ୍ଟାର ଅନଲାଇନ ମାଧ୍ୟମରେ କରିବାକୁ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି ।
'ବିପିୟୁଟିରେ ଅନଲାଇନ ସେମିଷ୍ଟାର ନିଷ୍ପତ୍ତିର ଉପଯୁକ୍ତ ବିକଳ୍ପ ନିଆଯାଉ'
ବିଶ୍ବବିଦ୍ୟାଳୟ ପକ୍ଷରୁ ପ୍ରକାଶିତ 27 ପୃଷ୍ଠା ସମ୍ବଳିତ ନିୟମାବଳୀରେ ଏମିତି କିଛି ରହିଛି ଯାହାକୁ ସମସ୍ତ ଛାତ୍ରଛାତ୍ରୀମାନଙ୍କ ପକ୍ଷେ ପାଳନ କରିବା ସମ୍ଭବପର ନୁହେଁ । ଆହୁରି ମଧ୍ୟ ପରୀକ୍ଷା ଗୁଡିକ ବିଭିନ୍ନ କ୍ବାରେଣ୍ଟାଇନ ସେଣ୍ଟର ମାନଙ୍କରେ ଅନୁଷ୍ଠିତ ହେବ ବୋଲି ନିର୍ଦ୍ଦେଶ ରହିଥିବା ବିପିୟୁଟି ଷ୍ଟୁଡେଣ୍ଟ ଭଏସର କୃଷ୍ଣକାନ୍ତ ଷଢଙ୍ଗୀ ପ୍ରକାଶ କରିଛନ୍ତି ।