ଭୁବନେଶ୍ବର: ଫିଲ୍ମ ଷ୍ଟାଇଲରେ ଅପହରଣ । ସ୍ବିଗି ଡେଲିଭରି ବଏକୁ ରାଜଧାନୀର ରାସ୍ତା ଉପରୁ ଉଠାଇନେଲେ ଅପହରଣକାରୀ । ଧଉଳି ଥାନା ଦୟା ନଦୀ ରାସ୍ତାକଡରୁ ଯୁବକଙ୍କୁ ଉଠାଇନେଇଥିବା ବେଳେ ଚପଲ, ସ୍ବିଗି ବ୍ୟାଗ,ଏକ ଛୁରି ଦୟାନଦୀ କଡରେ ପଡିଥିବା ଦେଖିବକୁ ମିଳିଛି । ଶନିବାର ରାତିରେ ଏଭଳି ଘଟଣା ଘଟିଛି ।
ତେବେ ଅପହରଣ ହୋଇଥିବା ଯୁବକ ବିଜୟ ନଗର ଅଞ୍ଚଳର ପତିତପାବନ ପୃଷ୍ଟି ବୋଲି ସୂଚନା ମିଳିଛି। ଏନେଇ ଧଉଳି ଥାନାରେ ଅଭିଯୋଗ କରିଛନ୍ତି ପତିତପାବନଙ୍କ ପତ୍ନୀ। ଏପଟେ ଅପହରଣକାରୀ ଫୋନର ଏକ ଭଏସ ମେସେଜ ଦେଇ ଅପହରଣ କରିଥିବା ଜଣାଇଛନ୍ତି। କିନ୍ତୁ ଅପହରଣ କେଉଁ କାରଣରୁ ହୋଇଛି ଏବଂ ଏହା ପଛରେ ଅପହରଣକାରୀଙ୍କ କ’ଣ ଡିମାଣ୍ଡ ରହିଛି, ସେନେଇ ପରିବାର ଲୋକେ ଲୁଚାଉଥିବା ବେଳେ ପୋଲିସ ତଦନ୍ତ ଜାରି ରଖିଛି ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ