ଭୁବନେଶ୍ବର:ଅଧା ବାଟରେ ଅଟକିଲା ପ୍ରେମ,ଅପହରଣ ନାଟକ ହେଲା କାଳ । ସ୍ବିଗି ବଏର ଅପହରଣ ନାଟକ ପର୍ଦ୍ଦାଫାସ କରିଛି ପୋଲିସ । ସ୍ତ୍ରୀର ସାଙ୍ଗ ସହ ଫେରାର ହୋଇ ନିଜେ ରଚିଥିଲା ନିଜ ଅପହରଣର ନାଟକ । ତେବେ ମଧ୍ୟପ୍ରଦେଶରୁ ଉକ୍ତ ସ୍ବିଗି ବୟକୁ ପୋଲିସ ଠାବ କରିବା ପରେ ଏପରି ନୁଆ ଟ୍ବିଷ୍ଟ ସାମ୍ନାକୁ ଆସିଛି । ମଧ୍ୟପ୍ରଦେଶର ରେଲଓ୍ଵେ ପୋଲିସ ସହାୟତାରେ ଅଟକ ରଖି ଉଭୟ ସ୍ବିଗି ବଏ ଓ ଯୁବତୀଙ୍କୁ ଓଡିଶା ଆଣୁଛି କମିଶନରେଟ ପୋଲିସ ।
ପ୍ରେମିକା ସହ ଫେରାର ସ୍ବିଗିବଏ, ସ୍ତ୍ରୀ ପାଇଁ ରଚିଥିଲା ଅପହରଣ ଷଡଯନ୍ତ୍ର
ସମ୍ପୃକ୍ତ ସ୍ବିଗି ବଏ ନିଜ ପତ୍ନୀଙ୍କୁ ଏକ ଭଏସ ମେସେଜ ଦେଇଥିଲେ। ତାଙ୍କୁ ଧଉଳି ଥାନା ଅଧୀନ ଦୟା ନଦୀ କଡରୁ ଛୁରୀ ଦେଖାଇ ଭୟଭୀତ କରାଇ ଟ୍ରାକ୍ଟରରେ ଅପହରଣ କରାଯାଇଥିବା ଶନିବାର ନିଜ ସ୍ତ୍ରୀଙ୍କୁ ମେସେଜ କରିଥିଲେ ସମ୍ପୃକ୍ତ ସ୍ବିଗି ବଏ । ମେସେଜ ପାଇବା ପରେ ଧଉଳି ଥାନାରେ ଅଭିଯୋଗ କରିଥିଲେ ପତ୍ନୀ। ଅଭିଯୋଗ ଆଧାରରେ ତଦନ୍ତ ଆରମ୍ଭ କରିଥିଲେ ପୋଲିସ ।