ଭୁବନେଶ୍ବର: ରାଜଧାନୀରେ ପାଳନ ହୋଇଯାଇଛି ସ୍ବାୟତ୍ତ ଶାସନ ଦିବସ । ଏହି ଦିବସ ଅବସରରେ ମୁ୍ଖ୍ୟମନ୍ତ୍ରୀ ନବୀନ ପଟ୍ଟନାୟକ ନୂତନ କାର୍ଯ୍ୟର ଶୁଭାରମ୍ଭ କରିଛନ୍ତି । ତେବେ ନିର୍ଦ୍ଧାରିତ ସମୟ ସୀମା ଭିତରେ ଜନସାଧାରଣ କିପରି ସମସ୍ତ ସୁବିଧା ପାଇବେ ସେନେଇ ପଦକ୍ଷେପ ନିଆଯାଇଛି । ଏହାସହ ସମଗ୍ର ରାଜ୍ୟରେ ୨ ହଜାର ୦୩୫ ଗୋଟି ଓ୍ଵାର୍ଡ କାର୍ଯ୍ୟାଳୟ ଖୋଲାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା ଭୁବନେଶ୍ବର
ଖବର ଅନୁଯାୟୀ, ନିୟମରେ ଜନସାଧାରଣ ରାସ୍ତା ଘାଟଠାରୁ ଆରମ୍ଭ କରି ପାର୍କିଂ ସମସ୍ୟା କଥା ଉଠାଇ ପାରିବେ । ଓ୍ଵାର୍ଡ କାର୍ଯ୍ୟାଳୟରେ ପେନସନ, ଜନ୍ମ ମୃତ୍ୟୁ ସାର୍ଟିଫିକେଟ ଆଦି ଦିଆଯିବ । ଏହାସହ ୫ଟି ଆଧାରରେ ରାଜ୍ୟରେ ଓ୍ଵାର୍ଡ ଅଫିସ ଓ ଓ୍ଵାର୍ଡ ଅଫିସରଙ୍କୁ ନିଯୁକ୍ତି କରିଛନ୍ତି ସରକାର । ଏହି ନିୟମ ସମସ୍ତ ଗୁଣାତ୍ମକ ସେବା ଯୋଗାଇବାରେ ସହାୟକ ହେବ, ଏହାସହ ଘରର ନକ୍ସା ଅନୁମୋଦନ ପାଇଁ ଇ-ବିପାସ୍ ଅନଲାଇନ କରାଯାଇଛି । ଯାହାଫଳରେ ୪୮ ଘଣ୍ଟା ମଧ୍ୟରେ ଘରର ନକ୍ସା ପାଇପାରିବେ ଓ ୫୦୦ବର୍ଗ ମିଟର ଘରର ବିଲ୍ଡିଂ ପ୍ଲାନ ଆପ୍ରୁଭାଲ କରାଯିବ ।