ଦଳକୁ ମକା ସହ ତୁଳନା କଲେ ସୁର ରାଉତରାୟ

ଓଡିଶା କଂଗ୍ରେସରେ ଚାଲିଥିବା ଗୋଷ୍ଠୀ କନ୍ଦଳ ଓ ନବକଳେବର ନେଇ ନିଜ ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ନିଜକୁ ତଥା ଦଳର କିଛି ନେତାଙ୍କୁ ମକା ସହ ତୁଳନା କରିଛନ୍ତି ସୁର ।

ଭୁବନେଶ୍ବର: 'ଆମେ ହେଉଛୁ ମକା । କଞ୍ଚା ବେଳେ ଲାଖିକି ଥିବୁ, ପୋଡି ଦେଲେ ଗାଉଁ ଗାଉଁ କରି ଖାଇବୁ' । ନିଜକୁ ତଥା ଦଳର କିଛି ନେତାଙ୍କୁ ନେଇ ଏଭଳି ମନ୍ତବ୍ୟ ଦେଇଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ଓଡିଶା କଂଗ୍ରେସରେ ଚାଲିଥିବା ଗୋଷ୍ଠୀ କନ୍ଦଳ ଓ ନବକଳେବର ନେଇ ନିଜ ପ୍ରତିକ୍ରିୟାରେ ଏହା କହିଛନ୍ତି ସୁର ।

'ହାଇକମାଣ୍ଡ ଯାହାକୁ ସଭାପତି କରିବେ ତାଙ୍କ ସହିତ ଆମେ ରହିବୁ । ସେ ନିରଞ୍ଜନ ହୁଅନ୍ତୁ କି ମୋକିମ ହୁଅନ୍ତୁ କି ସାମ୍ବାଦିକ ହୁଅନ୍ତୁ । କଂଗ୍ରେସ ଦଳ ଏକ ବିରାଟ ଦଳ' । ଏଥିରେ କିଏ କଣ କହି ଦେଲେ କିଛି ହୁଏ ନାହିଁ ବୋଲି ସୁର ରାଉତରାୟ ପ୍ରତିକ୍ରିୟା ଦେଇ କହିଛନ୍ତି।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ