ଭୁବନେଶ୍ବର: କୋରୋନା ଭାଇରସକୁ ନେଇ ଦେଶରେ ଲାଗି ରହିଛି ସଂକଟ । ମୁକାବିଲା ପାଇଁ ସରକାର ସାରା ଦେଶକୁ ଲକଡାଉନ ଘୋଷଣା କରିଛନ୍ତି । ଏପରିସ୍ଥଳେ ଖାଦ୍ୟ ସଂକଟ ସହ ଦରଦାମ ବୃଦ୍ଧି ପାଇବାର ଦେଖାଦେବାର ଯଥେଷ୍ଟ ଆଶଙ୍କା ରହିଛି । ଏହାକୁ ପ୍ରତିହତ କରିବା ପାଇଁ ଯୋଗାଣ ବିଭାଗ ସ୍ବତନ୍ତ୍ର ପଦକ୍ଷେପ ନେଇଛି ।
ଦରଦାମ ବୃଦ୍ଧି ରୋକିବା ପାଇଁ ଯୋଗାଣ ବିଭାଗର କଡା ପଦକ୍ଷେପ
ଯୋଗାଣ ବିଭାଗ ସମସ୍ତ ଖାଉଟି ସାମଗ୍ରୀ ବିକ୍ରୟ କେନ୍ଦ୍ରରେ ଫଳକ ଲଗାଇଛି । ନିର୍ଧାରିତ ମୁଲ୍ୟଠାରୁ ଅଧିକ ଦରରେ କୌଣସି ଦ୍ରବ୍ୟ ବିକ୍ରି କରିପାରିବେ ନାହିଁ । ଏହସହ ନିର୍ଦ୍ଧାରିତ ପରିମାଣ ଠୁ ଅଧିକ ପରିମାଣର ସାମଗ୍ରୀ ମଧ୍ୟ କିଣି ପାରିବେନି ଗ୍ରାହକ । ଯୋଗାଣ ବିଭାଗ ଲଗାଇଥିବା ଦର ଅନୁସାରେ ଆଳୁ କିଲୋ ପ୍ରତି ୨୦ ଟଙ୍କା ଓ ପିଆଜ କିଲୋ ପିଛା ୨୭ ଟଙ୍କାର ଫଳକ ଲାଗିଛି ।