ଭୁବନେଶ୍ବର: ଗ୍ୟାସ ଦର ବୃଦ୍ଧି ନେଇ ଦେଶରେ ଅସନ୍ତୋଷ ଲାଗି ରହିଛି । ଗ୍ୟାସ ଦର ବୃଦ୍ଧି ଗୃହଣୀଙ୍କୁ ହନ୍ତସନ୍ତ କରୁଛି । ଦର ଉପରେ 4 ଶହ ଟଙ୍କା ରିହାତି ପ୍ରଦାନ କରିବାକୁ ଦାବି କରିଛି ଓଡିଶା । ଏ ନେଇ ପ୍ରତିକ୍ରିୟା ରଖିଛନ୍ତି ରାଜ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ।
ଉଜ୍ଜଳା ଯୋଜନା ଏକ ଜୁମଲା; ଆଉ ଆସୁନାହିଁ ରିହାତି: ଯୋଗାଣ ମନ୍ତ୍ରୀ
ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ କହିଛନ୍ତି ଯେ, ଯେଉଁମାନେ ମା'ମାନଙ୍କୁ ଉଜ୍ଜ୍ବଳା ଯୋଜନାରେ ପ୍ରତିଶ୍ରୁତି ଦେଇଥିଲେ ତାହା ଏବେ ପ୍ରତିଫଳିତ ହୋଇଛି । ଏହା ଭେଳିକି ବା ଜୁମଲା ଥିଲା । ମାଆ ମାନେ ଏବେ ଗ୍ୟାସ ଛାଡି ଚୁଲି ମୁଣ୍ଡକୁ ଫେରିଗଲେଣି । ତେଲ ଲୁଣ ସଂସାର ଆଉ ଚଳି ପାରୁନି । ଯେଉଁମାନେ କହିଥିଲେ ଧୁଆଁ ଧୁଆଁ ଲାଗିବ, ମାଗଣା ଗ୍ୟାସ ନିଅ ।