ଭୁବନେଶ୍ବର: ମହାବାତ୍ୟାକୁ ପୂରିଲା 20 ବର୍ଷ । ଏହି ଅବସରରେ ବିପର୍ଯ୍ୟୟରେ ବ୍ୟବହୃତ ହେଉଥିବା ଟେକ୍ନୋଲୋଜି ସ୍ଥାନୀୟ ରବୀନ୍ଦ୍ର ମଣ୍ଡପରେ ପ୍ରଦର୍ଶିତ ହୋଇଛି । ବିପର୍ଯ୍ୟୟ ମୁକାବିଲାରେ ଓଡିଶା ଗ୍ଲୋବାଲ ବେଞ୍ଚ ମାର୍କ ପାଲଟିଥିବା ବେଳେ ଆଗକୁ କିଭଳି ଅତ୍ୟାଧୁନିକ ଯନ୍ତ୍ରାଂଶ ବ୍ୟବହାର କରାଯିବ ସେନେଇ ମଧ୍ୟ ଏଠାରେ ପ୍ରଦର୍ଶିତ କରାଯାଇଛି ।
ମହାବାତ୍ୟାକୁ ପୁରିଲା 20 ବର୍ଷ, ବିପର୍ଯ୍ୟୟରେ ବ୍ୟବହୃତ ଉପକରଣ ପ୍ରଦର୍ଶିତ
1999 ମସିହା ଅକ୍ଟୋବର 29 ତାରିଖରେ ଓଡିଶାରେ ପ୍ରଳୟ ରଚିଥିଲା ମହାବାତ୍ୟା । ଆଜିବି ସେହି ସମୟରେ ଦୃଶ୍ୟ ମନରେ ଆସିଲେ ରୁମ ଟାଙ୍କୁରି ହୋଇଯାଏ । ତେବେ ସେବେକାର ଓଡିଶା ଓ ଏବେର ଓଡିଶା ମଧ୍ୟରେ ବହୁତ ଫରକ ରହିଛି । 1999 ମସିହାରେ ସରକାରଙ୍କ ପାଖରେ କୌଣସି ପ୍ରକାରର ଟେକ୍ନୋଲୋଜି ନଥିବାବେଳେ ଲୋକଙ୍କ ମଧ୍ୟରେ ସଚେତନତାର ଅଭାବ ଥିଲା । ଯାହା ଫଳରେ ହଜାର ହଜାର ଲୋକ ବାସହରା ହୋଇପଡିଥିଲେ। ଶହ ଶହ ଲୋକ ପ୍ରାଣ ହରାଇଥିଲେ ।