ଭୁବନେଶ୍ବର: ଓଡ଼ିଶା ପୋଲିସ ଡିଜି ଦାୟିତ୍ବ ନେବେ IPS ସୁନୀଲ ବଂଶଲ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁନୀଲ ବଂଶଲଙ୍କୁ ଏହି ନିଯୁକ୍ତି ଦେଇଛନ୍ତି । ଆଗାମୀ ଦୁଇ ବର୍ଷ ପର୍ଯ୍ୟନ୍ତ ସେ ଏହି ଦାୟିତ୍ବରେ ରହିବେ । ବର୍ତ୍ତମାନ ପୋଲିସ ଡିଜି ଅଭୟଙ୍କ କାର୍ଯ୍ୟକାଳ ସରିବା ପରେ ସେ ଏହି ଦାୟିତ୍ବ ନେବେ । ଚଳିତ ମାସ 31 ତାରିଖରେ ଅବସର ନେବେ ପୋଲିସ ଡିଜି ଅଭୟ । ଏହାପରେ ତାଙ୍କ ସ୍ଥାନରେ ୧୯୮୭ ବ୍ୟାଚ୍ର IPS ସୁନୀଲ ବଂଶଲ ହେବେ ଓଡ଼ିଶାର ନୂଆ ପୋଲିସ ଡିଜି ।
ନୂଆବର୍ଷରେ ଦାୟିତ୍ୱ ନେବେ ନୂଆ ପୋଲିସ ଡିଜି । ୧୯୮୭ ବ୍ୟାଚର IPS ସୁନୀଲଙ୍କ ନିଯୁକ୍ତିରେ ମୋହର ମାରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୟୂରଭଞ୍ଜର ଏସପି ଭାବରେ କାର୍ଯ୍ୟ କରିଥିବା ସୁନୀଲ କୁମାର ଭିବଂଶଲ କେନ୍ଦ୍ରରେ IB (Intelligence Bureau)ର ସ୍ୱତନ୍ତ୍ର ନିର୍ଦ୍ଦେଶକ ଭାବେ କାର୍ଯ୍ୟ କରୁଛନ୍ତି । 27 ବର୍ଷ କେନ୍ଦ୍ରରେ କାର୍ଯ୍ୟ କରିବା ପରେ ଡିଜି ହୋଇ ସୁନୀଲ ଓଡ଼ିଶା ଫେରିବେ । ଏହାସହିତ ରାଜ୍ୟର ପରବର୍ତ୍ତୀ ପୋଲିସ ଡିଜି କିଏ ହେବେ ସେ ନେଇ ଚାଲିଥିବା ଚର୍ଚ୍ଚାର ଅବସାନ ହୋଇଛି ।
ଚଳିତମାସ ୩୧ ତାରିଖରେ ରାଜ୍ୟ ପୋଲିସ ଡିଜି ଅଭୟ ଅବସର ନେବା ପରେ ସୁନୀଲ ଦାୟୀତ୍ୱ ଗ୍ରହଣ କରିବେ । ଗତ ଡିସେମ୍ବର 8 ତାରିଖରେ ନୂଆଦିଲ୍ଲୀରେ ୟୁପିଏସସି ଚେୟାରମ୍ୟାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ଓଡ଼ିଶା ଡିିଜିପି ମନୋୟନ କମିଟି ବୈଠକ । ବୈଠକରେ ରାଜ୍ୟର ପୋଲିସ ଡିଜି ପଦବୀ ପାଇଁ ମୋଟ 12 ଜଣ ଯୋଗ୍ୟ IPSଙ୍କ ନାମ ମଧ୍ୟରୁ ବରିଷ୍ଠତା ଓ ମେରିଟ୍ ଆଧାରରେ ୩ ଜଣ IPSଙ୍କ ନାମ ସର୍ଟଲିଷ୍ଟ୍ ହୋଇଥିଲା ।