ଭୁବନେଶ୍ବର:ସୁନ୍ଦରଗଡ ADMଙ୍କୁ ଗିରଫ ପରେ କୋର୍ଟଚାଲାଣ କରାଯାଇଛି । ଜାମିନ ଖାରଜ ପରେ ବିଚାର ବିଭାଗୀୟ ହାଜତକୁ ଗଲେ ବିଶ୍ବଜିତ ମହାପାତ୍ର। ଆୟବର୍ହିଭୂତ ସମ୍ପତ୍ତିର ଖୁଲାସା କଲା ଭିଜିଲାନ୍ସ।
ଏଡିଏମଙ୍କ ସନ୍ଦେହଜନକ ବ୍ୟାଙ୍କ ଟ୍ରାନଜାକସନ : ସମ୍ପତ୍ତି ତାଲିକା ଖୁଲାସା କଲା ଭିଜିଲାନ୍ସ ଟିମ
ଏବେବି ମିଳୁନି ଅନେକ ବ୍ୟାଙ୍କ ଟ୍ରାନଜାକ୍ସନର ଗୁମର। ସ୍କାନରରେ ପତ୍ନୀ ତାଙ୍କ ନାଁରେ ସିମେଣ୍ଟ ଗୋଦାମ ଖୋଲି ଲକ୍ଷାଧିକ ଟଙ୍କାର କରିଥିଲେ କାରବାର। ଜଗତସିଂହପୁର ଓ ଭୁବନେଶ୍ବରରେ ୧୦ଟି ପ୍ଲଟ, ରସୁଲଗଡରେ ଏକ ଫ୍ଲାଟ ଠାବ କରିଛି ଭିଜିଲାନ୍ସ ।
ଏହାସହ ୮ଟି ବ୍ୟାଙ୍କ ଆକାଉଣ୍ଟ ଡିପୋଜିଟ ସମେତ ମ୍ୟୁଚାଲ ଫଣ୍ଡ ଓ ଇନସୁରାନସ ଓ ଲକରରେ ଫିକ୍ସଡ ଡିପୋଜିଟର କାଗଜପତ୍ର ଭିଜିଲାନ୍ସ ହାତରେ ଲାଗିଛି । ଯାହାର ମୂଲ୍ୟ ୨କୋଟି ୪୮ଲକ୍ଷ ହେବ ବୋଲି ଆକଳନ କରାଯାଇଛି । ଏହାସହ ଜବତ କ୍ୟାସ ପରିମାଣ ୩ ଲକ୍ଷ ୫୨ ହଜାର ସହ ୪୭୦ ଗ୍ରାମ ସୁନା ଅଳଙ୍କାର ଠାବ ହୋଇଛି।